હરિયાણા વિધાનસભા ચૂંટણીની મતગણતરી, શરૂઆતના વલણમાં કોંગ્રેસે પાર કર્યો બહુમતનો આંકડો

જમ્મુ અને કાશ્મીર વિધાનસભા ચૂંટણીની 31 બેઠકો માટેના વલણો જાહેર થયા છે. જેમાં નેશનલ કોન્ફરન્સ 13 પર, ભાજપ 13 પર અને અન્ય ઉમેદવારો 5 સીટો પર આગળ ચાલી રહ્યા છે.

જમ્મુ-કાશ્મીરમાં વિધાનસભા ચૂંટણીની મતગણતરી શરૂ થઈ ગઈ છે. હાલમાં પોસ્ટલ બેલેટ પેપરની ગણતરી ચાલી રહી છે. અત્યાર સુધીની ગણતરીમાં NC 11 પર અને ભાજપ સાત પર અને અન્ય ઉમેદવારો ત્રણ પર આગળ છે.

ભારતીય જનતા પાર્ટીના જમ્મુ પશ્ચિમના ઉમેદવાર અરવિંદ ગુપ્તાએ એબીપી ન્યૂઝ સાથે વાત કરતા મોટો દાવો કર્યો છે. તેમણે કહ્યું છે કે 77 વર્ષ પછી આ પ્રથમ વખત હશે જ્યારે જમ્મુ અને કાશ્મીરમાં ભાજપ સંપૂર્ણ બહુમતી સાથે સરકાર બનાવશે એટલું જ નહીં પરંતુ કેન્દ્રશાસિત પ્રદેશના આગામી મુખ્યમંત્રી ડોગરા હશે.

એનસીના વરિષ્ઠ નેતા અને જમ્મુ અને કાશ્મીરના ભૂતપૂર્વ સીએમ ઓમર અબ્દુલ્લાએ એક પોસ્ટ કર્યું તેમણે લખ્યું છે કે અમે ચૂંટણી દરમિયાન સારી લડાઈ લડી હતી. ઇન્શાઅલ્લાહ, પરિણામો પણ અમારી તરફેણમાં આવશે.

જમ્મુ-કાશ્મીરમાં આજે મતદાનની ગણતરીને ધ્યાનમાં રાખીને તમામ કેન્દ્રો પર સુરક્ષા વધારી દેવામાં આવી છે. કોઈને પણ નિયમોનું ઉલ્લંઘન કરવાની છૂટ નથી. મતગણતરી શાંતિપૂર્ણ રીતે થાય તે માટે મતગણતરી કેન્દ્રો પર મોટી સંખ્યામાં સુરક્ષા દળો અને પોલીસ કર્મચારીઓ તૈનાત છે.

જમ્મુ અને કાશ્મીર ભાજપના અધ્યક્ષ અને નૌશેરા વિધાનસભાના ઉમેદવાર રવિન્દ્ર રૈનાએ મંગળવારે સવારે 8 વાગ્યે મતગણતરી શરૂ થાય તે પહેલાં પ્રથમ હવન કર્યો હતો. તેમણે પાર્ટીની જીત માટે ભગવાનને પ્રાર્થના કરી.

હરિયાણાના પ્રારંભિક વલણોમાં સીએમ નાયબ સિંહ સૈની સહિત તમામ કેબિનેટ મંત્રીઓ પાછળ છે. લાડવા બેઠક પરથી ભાજપના ઉમેદવાર નાયબ સિંહ સૈની પણ પાછળ રહી ગયા છે.

લાડવા વિધાનસભા સીટના પ્રારંભિક વલણોમાં મુખ્યમંત્રી નાયબ સિંહ સૈની ફરી આગળ થયા હતા. આ પહેલા તેની લીડ થોડા સમય માટે ઘટી હતી.

હરિયાણા વિધાનસભા ચૂંટણી પરિણામોના શરૂઆતના વલણો અનુસાર, કોંગ્રેસ હિસાર જિલ્લામાં સાતમાંથી ચાર બેઠકો પર આગળ છે. અત્યાર સુધીના વલણો અનુસાર, કોંગ્રેસ 60 ના આંકડા પર પહોંચી ગઈ છે. ભાજપ 17 બેઠકો પર આગળ છે.