કેનેડાનાં વડાપ્રધાન જસ્ટીસ ટ્રુડોએ નિજજર હત્યા વિવાદ માં હવે અમેરીકાએ પણ આ વિવાદમાં કેનેડાની ભાષા બોલવા લાગતા મોદી સરકાર સામે ગંભીર પડકાર ઉભા થયા છે ,

કેનેડાનાં વડાપ્રધાન જસ્ટીસ ટ્રુડોએ નિજજર હત્યા વિવાદને ફરી ચગાવીને ભારત પર ફરી આરોપ મુકીને બન્ને દેશો વચ્ચે ગંભીર તનાવ સર્જી દીધો છે. તો હવે અમેરીકાએ પણ આ વિવાદમાં કેનેડાની ભાષા બોલવા લાગતા મોદી સરકાર સામે ગંભીર પડકાર ઉભા થયા છે. અમેરીકાએ જણાવ્યું કે ભારત આ તપાસમાં સહયોગ આપતુ નથી.

અમેરીકા-બ્રિટન-કેનેડા ઓસ્ટ્રેલીયા અને ન્યુઝીલેન્ડનાં બનેલા જાસુસી પ્લેટફોર્મ ફાઈવ સાઈઝને પણ આ હત્યા અંગે ભારત વિરૂધ્ધ પુરાવા અપાયા હોવાનો કેનેડાએ દાવો કર્યો હતો અને ગઈકાલે જ કેનેડાનાં વડાપ્રધાન ટ્રુડોએ બ્રિટીશ વડાપ્રધાન કિસરા સાર્મર સાથે વાત કરીને ભારત આ તપાસમાં સહયોગ આપતું નથી તેવી જાણ કરી હતી.

તો અમેરીકાના વિદેશ વિભાગનાં પ્રવકતા મેથ્યુ મિલરે કહ્યુ કે, જયાં સુધી કેનેડાનો પ્રશ્ન છે અમો એ કહેવા માંગીએ છીએ કે, આક્ષેપો અત્યંત ગંભીર છે અને તેને તેટલી જ ગંભીરતાથી લેવા જોઈએ. અમો ઈચ્છીએ છીએ કે ભારત સરકાર આ તપાસમાં કેનેડાને સહકાર આપે તે જરૂરી છે અને ભારત તેમ કરતું નથી તે પણ વાસ્તવિકતા છે.

અત્રે એ ઉલ્લેખનીય છે કે, અમેરીકા-કેનેડા બન્નેનું નાગરીકત્વ ધરાવતા ખાલીસ્તાની જ તેના ગુરૂમીતસિંહ પન્નુનાં હત્યાના કહેવાતા ષડયંત્ર અંગે પણ અમેરીકા તપાસ કરી રહ્યું છે.

આ સંદર્ભમાં ગઈકાલે જ ભારતીય અધિકારીઓની એક ટીમ વોશીગ્ટન પહોંચી છે. તે સમયે હવે નિજજર હત્યા કેસમાં અમેરીકાનું આ વલણ કેનેડાને પ્રોત્સાહીત કરનાર છે છેલ્લા 1 વર્ષથી આ તપાસમાં કેનેડાએ હજુ કોઈ મહત્વના પુરાવા આપ્યા નથી તેમ છતા તે ભારત પર દબાણ લાવી રહ્યું છે.