આજથી નવું વર્ષ 2025 શરૂ થઈ રહ્યું છે. વર્ષના પહેલા દિવસે 1 જાન્યુઆરી 2025થી દેશમાં ઘણા મોટા ફેરફારો પણ લાગૂ થવા જઈ રહ્યા છે ,
આજથી નવું વર્ષ 2025 શરૂ થઈ રહ્યું છે અને પહેલી તારીખથી જ દેશમાં ઘણા મોટા નાણાકીય ફેરફારો લાગુ થઈ શકે છે. જેમાં LPG Cylinder Priceથી લઈને Bank Account સંબંધિત ફેરફારોનો સમાવેશ થાય છે.
આજથી નવું વર્ષ 2025 શરૂ થઈ રહ્યું છે. વર્ષના પહેલા દિવસે 1 જાન્યુઆરી 2025થી દેશમાં ઘણા મોટા ફેરફારો પણ લાગૂ થવા જઈ રહ્યા છે. આ ફેરફારની અસર દરેક ઘર અને દરેક ખિસ્સા પર પડશે. આમાં કેટલાક ફેરફારો લોકો પર આર્થિક બોજ વધારનાર સાબિત થશે તો કેટલાક ફેરફારથી રાહત પણ મળશે. આ ફેરફારોમાં રસોઈ માટે વપરાતા LPG સિલિન્ડરના ભાવથી લઈને બેંક એકાઉન્ટ, યુપીઆઈ પેમેન્ટ અને EPFOના નિયમો પણ સામેલ છે. આવો જાણીએ આવા 10 મોટા બદલાવો વિશે.
1 જાન્યુઆરી, 2025 ના રોજ, ઓઇલ માર્કેટિંગ કંપનીઓ LPG Cylinder ગેસના નવા ભાવ જાહેર કર્યા છે. દિલ્હીથી મુંબઈ સુધી ગેસ સિલિન્ડરના ભાવમાં 14-16 રૂપિયાનો ઘટાડો કરવામાં આવ્યો છે. જોકે, કંપનીઓએ 19 કિલોના કોમર્શિયલ ગેસ સિલિન્ડરની કિંમતમાં આ ઘટાડો કર્યો છે, જ્યારે નવા વર્ષની શરૂઆતમાં પણ ઘરેલુ એલપીજી સિલિન્ડર (14 કિલો)ના ભાવ સ્થિર રહ્યા છે, એટલે કે તેમાં કોઈ ફેરફાર થયો નથી.
વા વર્ષમાં સરકારી ઓઈલ કંપનીઓએ એવિએશન ટર્બાઈન ફ્યુઅલ (ATF)ના ભાવમાં ઘટાડો કર્યો છે. એટીએફના ભાવમાં ઘટાડાને કારણે હવાઈ ભાડામાં ઘટાડો થવાની ધારણા છે. જણાવી દઈએ કે દર મહિને પહેલી તારીખે સરકારી ઓઈલ કંપનીઓ ATFની કિંમતો જાહેર કરે છે. ગયા ડિસેમ્બરમાં એટીએફના ભાવમાં કિલોલિટર દીઠ ₹1318.12નો વધારો કરવામાં આવ્યો હતો. 1 જાન્યુઆરી, 2025 ના રોજ બહાર પાડવામાં આવેલા નવીનતમ ડેટા અનુસાર, દિલ્હીમાં ATFના ભાવ રૂ. 90,455.47 પ્રતિ કિલોલીટર, કોલકાતામાં ATFના ભાવ રૂ. 93,059.79 પ્રતિ કિલોલીટર, મુંબઈમાં ATFના ભાવ રૂ 84,511.93 પ્રતિ કિલોલીટર, ચેન્નઈમાં ATFના ભાવ રૂ. 93,670.72 પ્રતિ કિલોલીટર છે.
1 જાન્યુઆરી, 2025થી EPFO દ્વારા પેન્શનધારકો માટે નવા નિયમો લાગુ કરવાની તૈયારી છે, આ મોટા ફેરફાર હેઠળ હવે પેન્શનધારકો દેશની કોઈપણ બેંકમાંથી તેમના પેન્શનની રકમ ઉપાડી શકશે અને આ માટે તેમને કોઈ વધારાના વેરિફિકેશનની જરૂર નહીં પડે.
રિઝર્વ બેંક ઓફ ઇન્ડિયા (RBI) દ્વારા ફીચર ફોન્સથી ઓનલાઈન પેમેન્ટની સુવિધા પૂરી પાડવા માટે UPI 123Pay લોન્ચ કરવામાં આવી હતી. હવે તેની ટ્રાન્ઝેક્શન લિમિટ વધારવાનો નિર્ણય લેવામાં આવ્યો છે, જે 1 જાન્યુઆરી, 2025થી લાગુ થઈ શકે છે. યુઝર્સ હવે 10,000 રૂપિયા સુધી ઓનલાઈન પેમેન્ટ કરી શકશે, જે લિમિટ અગાઉ માત્ર 5,000 રૂપિયા હતી.
સેન્સેક્સ, સેન્સેક્સ-50 અને બેન્કેક્સની માસિક એક્સપાયરીમાં ફેરફાર કરવામાં આવ્યા છે. હવે આ દર અઠવાડિયે શુક્રવારે નહીં પરંતુ મંગળવારે થશે. જ્યારે ત્રિમાસિક અને અર્ધવાર્ષિક કરારની એક્સપાયરી છેલ્લા મંગળવારે થશે. બીજી તરફ, NSE ઇન્ડેક્સે Nifty 50 માસિક કોન્ટ્રાક્ટ માટે ગુરુવારનો દિવસ નક્કી કર્યો છે.
1 જાન્યુઆરી, 2025થી ખેડૂતોને RBI તરફથી ગેરંટી વિના 2 લાખ રૂપિયા સુધીની લોન મળશે. તાજેતરમાં RBIએ ખેડૂતો માટે ગેરંટી વિનાની લોનની મર્યાદા વધારવાની જાહેરાત કરી હતી. જેના કારણે હવે તેઓ 1.6 લાખ રૂપિયા નહીં પરંતુ 2 લાખ રૂપિયા સુધીની લોન મેળવી શકશે.
રિઝર્વ બેંક ઓફ ઇન્ડિયા (RBI) નવા વર્ષથી કેટલાક નિયમોમાં ફેરફાર કરવા જઈ રહી છે. તેનાથી દેશના લાખો બેંક એકાઉન્ટસ પર અસર થવાની છે. કારણ કે કેન્દ્રીય બેંક 3 પ્રકારના બેંક એકાઉન્ટ બંધ કરવા જઈ રહી છે. આરબીઆઈની નવી માર્ગદર્શિકા હેઠળ નિષ્ક્રિય એકાઉન્ટ, ઇનએક્ટિવ એકાઉન્ટસ અને ઝીરો બેલેન્સ એકાઉન્ટ બંધ કરવામાં આવશે.
1 જાન્યુઆરી 2025થી ઘણી કંપનીઓની કાર ખરીદવી મોંઘી થવા જઈ રહી છે. મારુતિ સુઝુકી, ટાટા મોટર્સ, હ્યુન્ડાઈ અને ટોયોટા સહિતની ઘણી કંપનીઓએ તેમના વાહનોના ભાવમાં 2 થી 4 ટકાનો વધારો કરવાની જાહેરાત કરી છે
ટેલિકોમ કંપનીઓ માટે રાઈટ ઓફ વે નિયમ 1 જાન્યુઆરી 2025થી નવા વર્ષથી અમલમાં આવશે. નવા નિયમો હેઠળ કંપનીઓએ ઓપ્ટિકલ ફાઈબર લાઈનો અને નવા મોબાઈલ ટાવર લગાવવા પર ધ્યાન કેન્દ્રિત કરવું પડશે. આ નિયમના અમલીકરણથી કંપનીઓને તેમની સેવાઓ સુધારવામાં મદદ મળશે. નવા નિયમ મુજબ ટેલિકોમ કંપનીઓએ મોબાઈલ ટાવર લગાવવા માટે વધુ પ્રયત્નો કરવા પડશે નહીં. આ નિયમો જનતા અને કંપનીઓને ધ્યાનમાં રાખીને બનાવવામાં આવ્યા છે.
1 જાન્યુઆરી, 2025થી કરદાતાઓ માટે અનુપાલન નિયમો વધુ કડક બનવા જઈ રહ્યા છે. આમાં મલ્ટી-ફેક્ટર ઓથેન્ટિકેશન (MFA)નો સમાવેશ થાય છે, જે અગાઉ ફક્ત તે જ વ્યવસાયોને લાગુ પડતું હતું જેમનું વાર્ષિક ટર્નઓવર રૂ. 20 કરોડ કે તેથી વધુ હતું, પરંતુ હવે તે GST પોર્ટલનો ઉપયોગ કરતા તમામ કરદાતાઓ માટે લાગુ થઈ શકે છે.
