સેન્સેક્સમાં 81 પોઈન્ટનો વધારો જોવા મળ્યો ; બીએસઈ પર સેન્સેક્સ 81 પોઈન્ટના વધારા સાથે 74,536.29 પર ખુલ્યો. જયારે NSE પર નિફ્ટી 0.16 ટકાના ઘટાડા સાથે 22,516.45 પર ખુલ્યો.
24 ફેબ્રુઆરીએ, અમેરિકાનો ડાઉ જોન્સ 0.076% ના વધારા સાથે 43,461 પર બંધ થયો. જ્યારે S&P 500 ઇન્ડેક્સ 0.50% ઘટીને 5,983 પર બંધ થયો અને Nasdaq 1.21% ઘટીને 19,286 પર બંધ થયો
સપ્તાહના બીજા દિવસે ભારતીય શેરબજાર સપાટ ખુલ્યું. બીએસઈ પર સેન્સેક્સ 81 પોઈન્ટના વધારા સાથે 74,536.29 પર ખુલ્યો. જયારે NSE પર નિફ્ટી 0.16 ટકાના ઘટાડા સાથે 22,516.45 પર ખુલ્યો. સેન્સેક્સના 30 શેરોમાંથી 19 શેરોમાં તેજી અને 11 શેરોમાં ઘટાડો છે. નિફ્ટીના 50 શેરોમાંથી 19 શેરોમાં તેજી અને 31 શેરોમાં ઘટાડો છે. NSE સેક્ટરલ ઇન્ડેક્સમાં, IT સેક્ટરમાં ઘટાડો અને ઓટો સેક્ટરમાં તેજી છે.
બજાર ખુલતાની સાથે જ, વેલસ્પન કોર્પ, એસબીઆઈ લાઈફ ઈન્સ્યોરન્સ કંપની, ઓઈલ એન્ડ નેચરલ ગેસ કોર્પોરેશન, એનટીપીસી, વોટરબેઝ, શ્રી સિમેન્ટ, રેફેક્સ ઇન્ડસ્ટ્રીઝ, નઝારા ટેક્નોલોજીસ, લાઈફ ઈન્સ્યોરન્સ કોર્પોરેશન ઓફ ઈન્ડિયા, કેઈઆઈ ઇન્ડસ્ટ્રીઝ, દીપના ફાર્માકેમ અને કિસાન મોલ્ડિંગ્સના શેર ફોકસમાં રહેશે.
એશિયન બજારોમાં, જાપાનનો નિક્કી 1.11% અને કોરિયાનો કોસ્પી 0.37%, હોંગકોંગનો હેંગસેંગ 0.65% અને ચીનનો શાંઘાઈ કમ્પોઝિટ ઇન્ડેક્સ 0.13% ઘટ્યો છે. 24 ફેબ્રુઆરીના રોજ, વિદેશી રોકાણકારો (FII) એ 6,286.70 કરોડ રૂપિયાના શેર વેચ્યા. આ દરમિયાન, સ્થાનિક રોકાણકારો (DII) એ 5,185.65 કરોડ રૂપિયાના શેર ખરીદ્યા. 24 ફેબ્રુઆરીએ, અમેરિકાનો ડાઉ જોન્સ 0.076% ના વધારા સાથે 43,461 પર બંધ થયો. જ્યારે S&P 500 ઇન્ડેક્સ 0.50% ઘટીને 5,983 પર બંધ થયો અને Nasdaq 1.21% ઘટીને 19,286 પર બંધ થયો.
ટ્રેડિંગ સપ્તાહના પહેલા દિવસે શેરબજાર ભારે ઘટાડા સાથે રેડ ઝોનમાં બંધ થયું. સોમવાર (24 ફેબ્રુઆરી) ના રોજ, સેન્સેક્સ 856 પોઈન્ટના ઘટાડા સાથે 74,454 પર બંધ થયો. નિફ્ટી પણ 242 પોઈન્ટ ઘટીને 22,553 પર બંધ થયો. સેન્સેક્સના 30 શેરોમાંથી 23 શેરોમાં ઘટાડો થયો અને 7 શેરોમાં વધારો થયો. નિફ્ટીના 50 શેરોમાંથી 38 શેરોમાં ઘટાડો થયો અને 12 શેરોમાં વધારો થયો. NSE ક્ષેત્રીય સૂચકાંકોમાં, IT ક્ષેત્ર સૌથી વધુ 2.71% ઘટ્યું અને નિફ્ટી મેટલ 2.17% ઘટ્યું. ઓટો, એફએમસીજી અને ફાર્મામાં થોડો મામૂલી તેજી રહી.
ટ્રેડિંગ દરમિયાન, નિફ્ટીમાં ટોચના ગેઇનર્સની લિસ્ટમાં M&M, આઇશર મોટર્સ, ડૉ. રેડ્ડીઝ લેબ્સ, હીરો મોટોકોર્પ અને કોટક મહિન્દ્રા બેંકના શેર સામેલ રહ્યા. જ્યારે વિપ્રો, એચસીએલ ટેક્નોલોજીસ, ઇન્ફોસિસ, ટીસીએસ, ભારતી એરટેલના શેર ટોપ લૂઝર્સ શેરોની લિસ્ટમાં સામેલ રહ્યા. ઓટો, ફાર્મા, FMCG સિવાય, અન્ય તમામ ક્ષેત્રીય સૂચકાંકો લાલ નિશાનમાં ટ્રેડ થયા હતા, જેમાં IT ઇન્ડેક્સ 2 ટકા ઘટ્યો હતો. BSE મિડકેપ અને સ્મોલકેપ સૂચકાંકો 1 ટકા ઘટ્યા હતા. IT, રિયલ્ટી, મેટલ ક્ષેત્રોમાં સૌથી વધુ ઘટાડો જોવા મળ્યો હતો.
