ભારતીય શેરબજાર કારોબારી સપ્તાહના છેલ્લા દિવસે ફ્લેટ ખુલ્યું. સેન્સેક્સ 13 પોઈન્ટ ઘટીને ઓપન થયું, તો નિફ્ટી 22,561 પર ખૂલ્યો.

ટ્રેડિંગ સપ્તાહના ચોથા દિવસે ભારતીય શેરબજાર સપાટ ખુલ્યું. બીએસઈ પર સેન્સેક્સ 13 પોઈન્ટના વધારા સાથે 74,326.32 પર ખુલ્યો. જ્યારે NSE પર નિફ્ટી 0.08 ટકાના વધારા સાથે 22,561.85 પર ખુલ્યો.

આજના ટ્રેડિંગ દરમિયાન તમિલનાડ મર્કેન્ટાઇલ બેંક, NMDC, જિંદાલ સ્ટેનલેસ, સુદર્શન ફાર્મા ઇન્ડસ્ટ્રીઝ, બ્રિગેડ એન્ટરપ્રાઇઝ, રેલ વિકાસ નિગમ, રાઇટ્સ, લૌરસ લેબ્સ, ભારત ઇલેક્ટ્રોનિક્સ, ઇન્ટરગ્લોબ એવિએશન, ફર્સ્ટસોર્સ સોલ્યુશન્સ, TCPL પેકેજિંગ, અવંતિ ફીડ્સ, કેમ્પસ એક્ટિવવેર અને બાલાજી ફોસ્ફેટ્સના શેર ફોકસમાં રહેશે.

એશિયન બજારોમાં, જાપાનનો નિક્કી 1.85%, હોંગકોંગનો હેંગ સેંગ ઇન્ડેક્સ 0.12% અને ચીનનો શાંઘાઈ કમ્પોઝિટ 0.046% ઘટ્યો છે. 6 માર્ચે, વિદેશી રોકાણકારો (FII) એ 2,377.32 કરોડ રૂપિયાના શેર વેચ્યા. આ દરમિયાન, સ્થાનિક રોકાણકારો (DIIs) એ રૂ. 1,617.80 કરોડના શેર ખરીદ્યા. 6 માર્ચે, અમેરિકાનો ડાઉ જોન્સ 0.99% ઘટીને 42,579 પર બંધ થયો. S&P 500 1.78% ઘટ્યો અને Nasdaq Composite 2.61% ઘટ્યો.

ગુરુવારે શેરબજારમાં બધા ક્ષેત્રીય સૂચકાંકો લીલા નિશાનમાં બંધ થયા, જેમાં ધાતુ, તેલ અને ગેસ, ફાર્મામાં 1.5-2 ટકાની તેજી રહી. નિફ્ટીમાં એશિયન પેઇન્ટ્સ, કોલ ઇન્ડિયા, હિન્ડાલ્કો ઇન્ડસ્ટ્રીઝ, બીપીસીએલ, એનટીપીસી લાભમાં રહ્યા, જ્યારે ટેક મહિન્દ્રા, ટ્રેન્ટ, ભારત ઇલેક્ટ્રોનિક્સ, એચડીએફસી લાઇફ, કોટક મહિન્દ્રા બેંકમાં ઘટાડો હતો. બીએસઈ મિડકેપ ઇન્ડેક્સ 0.6 ટકા વધ્યો, જ્યારે સ્મોલકેપ ઇન્ડેક્સ 1.6 ટકા વધ્યો હતો.

6 માર્ચે ભારતીય ઇક્વિટી સૂચકાંકો મજબૂત નોંધ પર બંધ થયા હતા અને નિફ્ટી 22,500 ની ઉપર બંધ થયો હતો. બંધ સમયે, સેન્સેક્સ 609.86 પોઈન્ટ અથવા 0.83 ટકા વધીને 74,340.09 પર અને નિફ્ટી 207.40 પોઈન્ટ અથવા 0.93 ટકા વધીને 22,544.70 પર બંધ થયો હતો. બધા ક્ષેત્રીય સૂચકાંકો લીલા નિશાનમાં બંધ થયા, જેમાં FMCG, મેટલ, તેલ અને ગેસ, ફાર્મા 1-2 ટકા વધ્યા.