સેન્સેક્સ 350 પોઈન્ટ વધીને 74,400 પર ટ્રેડ કરી રહ્યો છે, તો નિફ્ટી 50 પોઈન્ટ વધ્યો; M&M, ઝોમેટો અને એરટેલના શેરમાં તેજી જોવા મળી.
મહિન્દ્રા એન્ડ મહિન્દ્રાના શેરમાં 1.52%, ઝોમેટોમાં 1.39% અને એરટેલના શેરમાં 1.36%ની તેજી છે. જ્યારે, કોટક મહિન્દ્રા બેંકના શેરમાં 0.12%નો ઘટાડો જોવા મળ્યો છે. નિફ્ટીના 50 શેરોમાંથી 38માં તેજી, 7માં ઘટાડો અને 5 કોઈ ફેરફાર વગર ટ્રેડ થઈ રહ્યા છે.
શેરબજારમાં આજે હોળીના દિવસે એટલે કે ગુરુવારે (13 માર્ચ) તેજી જોવા મળી રહી છે. સેન્સેક્સ લગભગ 350 પોઈન્ટના વધારા સાથે 74,400 ના સ્તરે ટ્રેડ કરી રહ્યો છે. નિફ્ટી 50 પોઈન્ટ વધીને 22,550 પર ટ્રેડ થઈ રહ્યો છે. સેન્સેક્સના 30 શેરોમાંથી 29 શેરોમાં તેજી છે અને ફક્ત 1 શેરમાં ઘટાડો છે.
મહિન્દ્રા એન્ડ મહિન્દ્રાના શેરમાં 1.52%, ઝોમેટોમાં 1.39% અને એરટેલના શેરમાં 1.36%ની તેજી છે. જ્યારે, કોટક મહિન્દ્રા બેંકના શેરમાં 0.12%નો ઘટાડો જોવા મળ્યો છે. નિફ્ટીના 50 શેરોમાંથી 38માં તેજી, 7માં ઘટાડો અને 5 કોઈ ફેરફાર વગર ટ્રેડ થઈ રહ્યા છે. NSE ના બધા ક્ષેત્રીય સૂચકાંકો વધી રહ્યા છે. મેટલ અને સરકારી બેંકના શેરમાં સૌથી વધુ વધારો જોવા મળી રહ્યો છે.
એશિયન બજારોમાં, જાપાનનો નિક્કી 0.96% અને હોંગકોંગનો હેંગસેંગ ઇન્ડેક્સ 0.17% ની તેજી સાથે કારોબાર કરી રહ્યો છે. જ્યારે, ચીનનો શાંઘાઈ કમ્પોઝિટ 0.052% ઘટ્યો છે. 12 માર્ચે, વિદેશી રોકાણકારો (FII) એ 1,627.61 કરોડ રૂપિયાના શેર વેચ્યા. આ દરમિયાન, સ્થાનિક રોકાણકારો (DIIs) એ રૂ. 1,510.35 કરોડના શેર ખરીદ્યા. 12 માર્ચે, અમેરિકાનો ડાઉ જોન્સ 0.20% ઘટીને 41,350 પર બંધ થયો. S&P 500 0.49% વધીને 5,599 પર અને Nasdaq Composite 1.22% વધીને 17,648 પર બંધ રહ્યો.
અઠવાડિયાના ત્રીજા ટ્રેડિંગ દિવસે (બુધવાર, 12 માર્ચ), સેન્સેક્સ 72 પોઈન્ટ ઘટીને 74,029 પર બંધ થયો. નિફ્ટી 27 પોઈન્ટ ઘટીને 22,470 પર બંધ થયો. મંગળવારના મોટા ઘટાડા (27%) પછી ઇન્ડસઇન્ડ બેંકના શેર 4.42%ની તેજી રહી. ટાટા મોટર્સના શેરમાં 3.19% અને કોટક બેંકના શેરમાં 2.37%ની તેજી રહી. ઇન્ફોસિસમાં 4.18%, ટેક મહિન્દ્રામાં 2.80% અને નેસ્લે ઇન્ડિયામાં 2.43%નો ઘટાડો થયો.
નિફ્ટીના 50 શેરોમાંથી 19 શેરોમાં તેજી અને 31 શેરોમાં ઘટાડો થયો. NSE ના IT ઇન્ડેક્સમાં સૌથી વધુ 2.91%, મીડિયામાં 1.53%, રિયલ્ટીમાં 1.65% અને જાહેર ક્ષેત્રની બેંકોમાં 1.08%નો ઘટાડો થયો. ખાનગી બેંક અને ફાર્મા ક્ષેત્રોમાં મામૂલી તેજી જોવા મળી.
બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.
