સેન્સેક્સમાં 82 પોઈન્ટનો ઘટાડો, તો નિફ્ટી 24,632 પર ખુલ્યું.

ટ્રેડિંગ સપ્તાહના ચોથા દિવસે શેરબજાર મામૂલી ઘટાડા સાથે રેડ ઝોનમાં ખુલ્યું. બીએસઈ પર સેન્સેક્સ 82 પોઈન્ટના ઘટાડા સાથે 81,248.43 પર ખુલ્યો. NSE પર નિફ્ટી 0.14 ટકાના ઘટાડા સાથે 24,632.90 પર ખુલ્યો ,

આજના ટ્રેડિંગ દરમિયાન વેન્ડ્ટ ઇન્ડિયા, ઇન્ફોસિસ, હિન્દુસ્તાન યુનિલિવર, બ્રિગેડ એન્ટરપ્રાઇઝ, જિનેસિસ ઇન્ટરનેશનલ કોર્પોરેશન, વિપ્રો, શિલ્પા મેડિકેર, કિર્લોસ્કર બ્રધર્સ, સ્ટેટ બેંક ઓફ ઇન્ડિયા, યસ બેંક, જેન્સોલ એન્જિનિયરિંગ, ઓલકાર્ગો લોજિસ્ટિક્સ, એડલવાઇસ ફાઇનાન્શિયલ સર્વિસિસ, મેક્સ હેલ્થકેર ઇન્સ્ટિટ્યૂટ, નવીન ફ્લોરિન ઇન્ટરનેશનલ અને વારી એનર્જીઝના શેરો ફોકસમાં રહેશે.

એશિયન બજારોમાં, જાપાનનો નિક્કી 422 પોઈન્ટ (1.11%) ઘટીને 37,705 પર અને કોરિયાનો કોસ્પી 6 પોઈન્ટ (0.23%) ઘટીને 2,635 પર ટ્રેડ કરી રહ્યો છે. હોંગકોંગનો હેંગ સેંગ ઇન્ડેક્સ 75 પોઈન્ટ (0.32%) ઘટીને 23,565 પર છે. ચીનનો શાંઘાઈ કમ્પોઝિટ 18 પોઈન્ટ (0.52%) ઘટીને 3,386 પર છે. 14 મેના રોજ, અમેરિકાનો ડાઉ જોન્સ 90 પોઈન્ટ (0.21%) ઘટીને 42,051 પર બંધ થયો. નાસ્ડેક કમ્પોઝિટ 137 પોઈન્ટ વધીને 19,146.81 પર બંધ રહ્યો.

ટ્રેડિંગ સપ્તાહના ત્રીજા દિવસે શેરબજાર લીલા નિશાન પર બંધ થયું હતું. બીએસઈ પર સેન્સેક્સ 182 પોઈન્ટના ઉછાળા સાથે 81,330.56 પર બંધ થયો. NSE પર નિફ્ટી 0.36 ટકાના વધારા સાથે 24,666.90 પર બંધ થયો. ટ્રેડિંગ દરમિયાન, સેન્સેક્સ પર ટોપ ગેનર્સની લિસ્ટમાં ટાટા સ્ટીલ, એટરનલ, ટેક મહિન્દ્રા, ઇન્ફોસિસ, એમ એન્ડ એમના શેર સામેલ હતા. જ્યારે એશિયન પેઇન્ટ્સ, પાવર ગ્રીડ કોર્પ, ટાટા મોટર્સ, કોટક મહિન્દ્રા બેંક, એનટીપીસીના શેર ટોપ લૂઝર્સ શેરોની લિસ્ટમાં સામેલ હતા. નિફ્ટી પર ટોપ ગેનર્સની લિસ્ટમાં ટાટા સ્ટીલ, શ્રીરામ ફાઇનાન્સ, ભારત ઇલેક્ટ્રોનિક્સ, હિન્ડાલ્કો ઇન્ડસ્ટ્રીઝ, એટરનલના શેર સામેલ હતા, જ્યારે એશિયન પેઇન્ટ્સ, સિપ્લા, ટાટા મોટર્સ, કોટક મહિન્દ્રા બેંક, એનટીપીસીના શેર ટોપ લૂઝર્સ શેરોની લિસ્ટમાં સામેલ હતા.

બીએસઈ મિડકેપ અને સ્મોલકેપ સૂચકાંકો 1 ટકા વધ્યા. FMCG અને બેંકો સિવાય, અન્ય તમામ ક્ષેત્રીય સૂચકાંકો લીલા રંગમાં ટ્રેડ થયા હતા, જેમાં રિયલ્ટી, તેલ અને ગેસ, IT અને મેટલ સૂચકાંકોમાં 1-2 ટકાની તેજી આવી હતી. સ્થાનિક ફુગાવામાં ઘટાડો થવાથી રિઝર્વ બેંક ઓફ ઈન્ડિયા દ્વારા દર ઘટાડાની અપેક્ષાઓ વધી ગઈ છે, જ્યારે યુએસ ફુગાવાના સકારાત્મક ડેટા અને યુએસ અને ચીન વચ્ચેના વેપાર તણાવમાં ઘટાડો થવાથી સંભવિત મંદીની ચિંતાઓ ઓછી થઈ છે.