રાજ્ચમા વરસાદને લઈ હવામાન વિભાગે ફરી એકવાર આગાહી ; આગામી 5 દિવસ ગુજરાતમાં સાર્વત્રિક વરસાદની શક્યતાઓ વ્યક્ત કરવામાં આવી ,
હવામાન વિભાગે દક્ષિણ ગુજરાતમાં ભારે પવન સાથે વરસાદની શક્યતાઓ વ્યક્ત કરી છે તેમજ 30થી 40 કિલોમીટર પ્રતિ કલાકની ઝડપે પવન ફૂંકાશે
રાજ્ચમા વરસાદને લઈ હવામાન વિભાગે ફરી એકવાર આગાહી કરી છે. આગામી 5 દિવસ ગુજરાતમાં સાર્વત્રિક વરસાદની શક્યતાઓ વ્યક્ત કરવામાં આવી છે. સાયક્લોનિક સર્ક્યુલેશનના પગલે વાવાઝોડા સાથે વરસાદ ખાબકશે. દક્ષિણ ગુજરાતમાં ભારે પવન સાથે વરસાદ પણ ચેતવણી આપવામાં આવી છે.
સૌરાષ્ટ્ર – કચ્છના દરિયાકાંઠાના વિસ્તારોમાં વરસાદની સંભાવના વ્યક્ત કરવામાં આવી છે. જેના પગલે સૌરાષ્ટ્રમાં કેટલાક વિસ્તારોમાં હળવાથી મધ્યમ વરસાદ વરસી શકે છે. અમદાવાદ-ગાંધીનગરમાં પણ છૂટાછવાયા વરસાદની શક્યતા વ્યક્ત કરવામાં આવી છે. ત્યારે ગુજરાતવાસીઓ રેઇનકોટ સાથે મેઘરાજાનું સ્વાગત કરવા તૈયાર રહેજો.
અત્રે જણાવીએ કે, 30થી 40 કિલોમીટર પ્રતિ કલાકની ઝડપે પવન ફૂંકાશે. હવામાન વિભાગે રાજ્યમાં આગામી 5 દિવસ સાવર્ત્રિક વરસાદની આગાહી કરી છે. ખાસ કરીને દક્ષિણ ગુજરાત અને દક્ષિણ સૌરાષ્ટ્રના વિસ્તારોમાં હળવાથી મધ્યમ વરસાદની શક્યતા છે. હવામાન વિભાગના જણાવ્યા અનુસાર, વરસાદી સિસ્ટમ સક્રિય થવાને કારણે રાજ્યના અમુક ભાગોમાં સામાન્ય વરસાદ જોવા મળશે. દક્ષિણ ગુજરાતના વલસાડ, નવસારી, સુરત અને દક્ષિણ સૌરાષ્ટ્રના જૂનાગઢ, પોરબંદર જેવા વિસ્તારોમાં આગામી બે થી ત્રણ દિવસમાં વરસાદની શક્યતા છે.
7 અને 8 જૂનના રોજ પણ અરવલ્લી, ખેડા, આણંદ, મહિસાગર, પંચમહાલ, દાહોદ, વડોદરા, છોટા ઉદેપુર, ભરૂચ, નર્મદા, સુરત, તાપી, ડાંગ, નવસારી, વલસાડ, ભાવનગર, અમરેલી અને ગીર સોમનાથ જિલ્લાના કેટલાય વિસ્તારોમાં વરસાદ પડવાની શક્યતા છે.
