ગુજરાતના 7 જિલ્લામાં વરસાદની આગાહી કરવામાં આવી છે. હવામાન વિભાગની આગાહી પ્રમાણે દક્ષિણ ગુજરાત, સૌરાષ્ટ્રના કેટલાક જિલ્લાઓમાં વરસાદ થશે.

કાળઝાળ ગરમી પડી રહી છે ત્યારે ગુજરાત ભરમાં ચોમાસાની આતુરતાથી રાહ જોવાઈ રહી છે. એવામાં હવામાન વિભાગે આગાહી કરી છે કે આજે રાજ્યના 7 જિલ્લામાં હળવોથી મધ્યમ વરસાદ થવાની સંભાવના છે.

હવામાન વિભાગ દ્વારા કરવામાં આવેલી આગાહી પ્રમાણે રાજ્યના 7 જિલ્લામાં હળવોથી મધ્યમ વરસાદ થવાની સંભાવના છે. હવામાન વિભાગની આગાહી અનુસાર, દક્ષિણ ગુજરાત, સૌરાષ્ટ્રના કેટલાક જિલ્લામાં વરસાદ થશે, જેમાં સૌરાષ્ટ્રમાં ગીર સોમનાથ, અમરેલી, ભાવનગરમાં વરસાદ થશે તો દક્ષિણ ગુજરાતના તાપી, ડાંગ, નવસારી અને વલસાડ જિલ્લામાં વરસાદની આગાહી કરવામાં આવી છે.

સાથે જ ઉલ્લેખનીય છે કે એક દિવસ અગાઉ હવામન વિભાગે ગુજરાતમાં ચોમાસાને લઈને મહત્ત્વની આગાહી કરી છે. હવામાન વિભાગે કરેલી આગાહી અનુસાર, આગામી 5 દિવસ બાદ રાજ્યમાં ચોમાસુ સક્રિય થશે. આગામી 3 દિવસ ભેજના કારણે વરસાદની સંભાવના રહેશે.

હવામાન વિભાગની આગાહી અનુસાર, દક્ષિણ ગુજરાત અને દક્ષિણ સૌરાષ્ટ્રમાં વરસાદની શક્યતા રહેશે જ્યાં હળવોથી મધ્યમ વરસાદ પડી શકે છે. તાપમાનમાં ઘટાડો થવાની સંભાવના નહિવત રહેશે, તેમજ 15 જૂન બાદ ચોમાસુ સક્રિય થવાની સંભાવના પણ વ્યક્ત કરી છે.

હવામાન વિભાગના જણાવ્યા અનુસાર, 12 જૂન સુધીમાં રાજ્યના દરિયાકાંઠાના વિસ્તારોમાં વરસાદી વાતાવરણ રહી શકે છે. આ સાથે, થોડા દિવસોમાં ચોમાસુ પણ આવી શકે છે. અમરેલી, ભાવનગર, સોમનાથ, તાપી, વલસાડ, નવસારી, દમણ અને દાદરા નગર હવેલીમાં 10, 11 અને 12 જૂન દરમિયાન હળવો વરસાદ પડી શકે છે.

13મી જૂને ગીર સોમનાથ, અમરેલી, ભાવનગર, દાહોદ, પંચમહાલ, છોટા ઉદેપુર, વડોદરા, ભરૂચ, નર્મદા, સુરત, તાપી, ડાંગ, નવસારી અને વલસાડ જિલ્લામાં હળવા વરસાદની સંભાવના છે. 14મી જૂને રાજકોટ, જૂનાગઢ, ગીર સોમનાથ, અમરેલી, ભાવનગર, બોટાદ, અરવલ્લી, મહિસાગર, દાહોદ, પંચમહાલ, છોટા ઉદેપુર, વડોદરા, ભરૂચ, નર્મદા, સુરત જિલ્લામાં છૂટાછવાયા સ્થળોએ હળવો વરસાદ પડી શકે છે.