ઈન્દોરના ચર્ચિત રાજા રઘુવંશી હત્યાકાંડના 4 આરોપીઓ પહેલી વાર એકીસાથે જાહેરમાં જોવા મળ્યાં ,

ઈન્દોરના રાજા રઘુવંશીની હત્યામાં સંડોવાયેલા ચાર મુખ્ય આરોપીઓને મેઘાલય પોલીસે મીડિયા સમક્ષ એકસાથે રજૂ કર્યા હતા. ચારેય આરોપીઓની જે તસવીર બહાર આવી છે તેમાં હત્યાનો આરોપી અને સોનમનો પ્રેમી રાજ કુશવાહા સફેદ શર્ટમાં એકલો બેઠો જોવા મળે છે. આનંદ તેની બાજુમાં બેઠો છે, જ્યારે આકાશ કાળા ટી-શર્ટમાં અને વિશાલ સફેદ ચેક્ડ શર્ટમાં જોવા મળે છે. પોલીસનું કહેવું છે કે આરોપીઓની પૂછપરછ કરવામાં આવી રહી છે. અન્ય ત્રણ આરોપીઓને સોનમના પ્રેમી રાજ કુશવાહાએ ભાડે રાખ્યા હતા..

ઈન્દોરના રાજા રઘુવંશી અને સોનમના કેસમાં ઘણા મોટા ખુલાસા થયા છે. રાજાની હત્યા પાછળનો મુખ્ય સૂત્રધાર તેની પત્ની સોનમ હોવાનું બહાર આવ્યું છે. પોલીસે સોનમ સહિત ચાર આરોપીઓની ધરપકડ કરી છે. આરોપીએ ઇન્દોર પોલીસને જે વાત કહી છે તે અત્યંત ભયાનક છે જેનાથી સાબિત થાય છે કે સોનમે રાજાની હત્યાનું આયોજન કેટલી કાળજીપૂર્વક કર્યું હતું.

સોનમ અને રાજ પાંચ મહિનાથી પ્રેમમાં હતા. રાજે કબૂલ્યું કે સોનમ સાથે તેનું અફેર 4 થી 5 મહિનાનું હતું. સોનમ પ્રેમ લગ્ન કરી શકતી ન હતી કારણ કે તેના પિતા હૃદયરોગના દર્દી હતા. તેના પિતા સમાજમાં લગ્ન કરવા માંગતા હતા, તેથી તે રાજા સાથે લગ્ન કરવા સંમત થઈ ગઈ. તેણીએ પહેલેથી જ નક્કી કરી લીધું હતું કે લગ્ન પછી, તે રાજાને મારી નાખશે અને રાજ સાથે રહેવાનું શરૂ કરશે. સોનમે રાજને કહ્યું હતું કે જ્યારે હું વિધવા થઈશ, ત્યારે તું મારી સાથે લગ્ન કરી શકે છે. પછી મારો પરિવાર પણ અમારા લગ્ન માટે સંમત થશે અને પછી બન્નેએ લગ્ન કરી લીધા અને સોનમે મેઘાલયમાં શિલોંગમાં હનીમૂન પર લઈ જઈને રાજાની હત્યાનો પ્લાન ઘડી કાઢ્યો હતો.