આંધ્ર પ્રદેશ હાઈકોર્ટે પૂર્વ મુખ્યમંત્રી વાય.એસ. જગન મોહન રેડ્ડીને મૃત્યુના કેસમાં વચગાળાની રાહત આપી છે. પૂર્વ મુખ્યમંત્રીને રાહત આપતા કોર્ટે કહ્યું, ‘બધી સાવચેતીઓ છતાં કુંભ મેળામાં પણ અકસ્માતો થતા રહ્યા છે.’

આંધ્ર પ્રદેશ હાઈકોર્ટે (Andhra Pradesh High Court) પૂર્વ મુખ્યમંત્રી વાય.એસ. જગન મોહન રેડ્ડીને ગુન્ટુરમાં પાર્ટી પ્રમુખની રેલી દરમિયાન એક YSRCP સમર્થકના મૃત્યુના કેસમાં વચગાળાની રાહત આપી છે. પૂર્વ મુખ્યમંત્રીને રાહત આપતા કોર્ટે કહ્યું, ‘બધી સાવચેતીઓ છતાં કુંભ મેળામાં પણ અકસ્માતો થતા રહ્યા છે.’

જગન મોહન રેડ્ડી લગાવવામાં આવ્યો હતો મૃત્યુનો આરોપ

18 જૂને યોજાયેલી રેલી દરમિયાન પલાનાડુ જિલ્લાના સતનાપલ્લેમાં જગન મોહન રેડ્ડીના કાફલામાં સામેલ એક વાહને સી. સિંગૈયા (53) ને કચડી નાખતાં તેમનું મૃત્યુ થયું હતું.પોલીસ દ્વારા આ કાર જગન રેડ્ડીની હોવાની ઓળખ કર્યા બાદ તેમની કારને જપ્ત કરી લેવામાં આવી હતી. આ ઉપરાંત, વાય.એસ.આર.સી.પી. પ્રમુખ અને પાર્ટીના અન્ય સભ્યો વિરુદ્ધ એફઆઈઆર નોંધવામાં આવી હતી. તે જ દિવસે નોંધાયેલી એફઆઈઆરમાં બિન-ઇરાદાપૂર્વક હત્યા અને બેદરકારીથી મૃત્યુનો આરોપ લગાવવામાં આવ્યો હતો.

ચંદ્રબાબુ નાયડૂ પર સામે ઉઠ્યા સવાલો

જેથી જગન રેડ્ડી અને તેમની પાર્ટી તરફથી આકરી રાજકીય પ્રતિક્રિયા આવી અને તેમણે આંધ્રના મુખ્યમંત્રી ચંદ્રબાબુ નાયડૂ પર સવાલો ઉઠાવ્યા અને ઝેડ+ સુરક્ષા પ્રોટોકોલમાં ચૂકનો દાવો કર્યો. જગન રેડ્ડીએ એફઆઈઆરને નાયડૂ સરકારની ‘ધ્યાન ભટકાવવાની વ્યૂહનીતિ’ પણ ગણાવી હતી.