રાજ્યમાં આગામી 7 દિવસ હળવાથી મધ્યમ વરસાદની આગાહી હવામાન વિભાગ દ્વારા કરવામાં આવી છે.

રાજ્યમાં હવામાન વિભાગ દ્વારા આગાહી કરવામાં આવી છે. આગામી સાત દિવસ હળવાથી મધ્યમ વરસાદની આગાહી કરવામાં આવી છે. રાચજ્યમાં ભર ચોમાસે ગરમી સહન કરવી પડશે. અમદાવાદમાં ગાજવીજ સાથે હળવાથી મધ્યમ વરસાદની આગાહી કરવામાં આવી છે. તાપમાનમાં બે થી ત્રણ ડિગ્રીની વધ-ઘટ રહેશે. તેમજ વરસાદી મોનસુન ટ્રફ લાઈન હાલ રાજ્યની બહાર તરફ છે.

15 ઓગસ્ટથી રાજ્યમાં સારા વરસાદની આગાહી કરવામાં આવી છે. હવામાન નિષ્ણાંત અંબાલાલ પટેલની આગાહી કરવામાં આવી છે. 11 ઓગસ્ટ સુધી રાજ્યમાં હળવા વરસાદની આગાહી. સૌરાષ્ટ્રમાં કેટલાક વિસ્તાર વરસાદ આવી શકે છે. બંગાળના ઉપસાગરમાં સિસ્ટમ બનશે. પૂર્વ મધ્યપ્રદેશ થી ગુજરાત માં વરસાદ લાવશે.

દક્ષિણ સૌરાષ્ટ્ર, દક્ષિણ ગુજરાતમાં ભારેથી અતિભારે વરસાદ લાવશે. જૂનાગઢ, અમરેલી, ભાવનગર ના ભાગો માં ભારે વરસાદની આગાહી કરવામાં આવી છે. જામનગર, દ્વારકા તથા પોરબંદરમાં હળવો વરસાદ આવી શકે છે. સુરેન્દ્રનગર, રાજકોટ, હળવદ, મોરબી, ધ્રાંગધ્રામાં ભારે વરસાદની આગાહી. પૂર્વ ગુજરાત, મધ્ય ગુજરાતમાં સારો વરસાદ થશે. પાટણ, મહેસાણા, બનાસકાંઠા, પંચમહાલમાં વરસાદ થશે. કેટલાક ભાગોમાં ભારે થી અતિભારે વરસાદ થઈ શકે.

ગણેશ ચતુર્થી આસપાસ કેટલાક ભાગો માં વરસાદ થઈ શકે છે. 29, 30 ઓગસ્ટ ભારે વરસાદી ઝાપટા રાજ્યમાં પડી શકે છે. ઓગસ્ટના અંત સુધીમાં વરસાદ ના કારણે નદીઓ માં પુરની સ્થિતિ બની શકે છે. સાતમ આઠમ દરમિયાન રાજ્યમાં વરસાદી ઝાપટાં પડશે. સૌરાષ્ટ્રમાં સાતમ આંઠમ દરમિયાન વરસાદી ઝાપટાં પડશે.

હવામાન વિભાગ નવસારી, વલસાડ, દમણ અને દાદરાનગર હવેલીમાં ભારે વરસાદને લઈ ઓરેન્જ એલર્ટ જાહેર કર્યું છે.

હવામાન વિભારે દક્ષિણ ગુજરાતના ભરૂચ, સુરત, તાપી અને નર્મદામા હળવાથી મધ્યમ વરસાદની શક્યતાઓ વ્યક્ત કર છે. તેમજ અમદાવાદ સહિત રાજ્યના કેટલાક વિસ્તારોમાં હળવાથી મધ્યમ વરસાદી ઝાપટા પડી શકે છે.

રાજ્યમાં ભારે વરસાદની હવામાન વિભાગની આગાહીના પગલે માછીમારોને દરિયો ન ખેડવાની સૂચના આપવમાં આવી છે. 12 થી 14 ઓગસ્ટ દરમ્યાન માછીમારોની સુરક્ષાને ધ્યાને લઈ દરિયો ન ખેડવા માટે સૂચના આપવામાં આવી છે.