ગુજરાતના વાતાવરણમાં એકાએક પલટા બાદ આજે મેઘાડંબર વચ્ચે 45 થી 60 ની ઝડપે પવન સાથે તોફાની વરસાદ ત્રાટકી શકે છે
આજે વલસાડ,નવસારી,દમણ અને દાદરા નગર હવેલીમાં વરસાદની આગાહી
વરસાદને લઈને દક્ષિણ ગુજરાતમાંથે આગામી 24 કલાકમાં ભારે હોય તેવું હવામાન વિભાગ દ્વારા જણાવાયું છે. આજે 24 કલાક દક્ષિણ ગુજરાતમાં ભારેથી અતિભારે વરસાદની આગાહીકરાઈ છે. બીજી બાજુ સૌરાષ્ટ્રના વિસ્તારોમાં ક્યાંક ભારે તો ક્યાંક સામાન્ય વરસાદની આગાહી અને અમદાવાદ ગાંધીનગરમા પણ છુટ્ટા છવાયા વરસાદની આગાહી કરવામાં આવી છે.
દરિયાકાંઠા વિસ્તારોમાં 45 થી 60 કિમી ની ઝડપે પવન ફૂકાશે
ગુજરાતના વાતાવરણમાં એકાએક પલટો આવતા હવામાન વિભાગ દ્વારા વરસાદ અંગે વધુ એક નવી આગાહી કરવામાં આવી છે. હવામાન વિભાગના સત્તાવાર અધિકારીઓ પાસેથી જાણવા મળતી વિગત અનુસાર આજે વલસાડ, નવસારી, દમણ અને દાદરા નગર હવેલીમાં અતિભાર વરસાદની સંભાવના જોવા મળી રહી છે. વધુમાં આજે તા. 28 જુલાઈના રોજ સાબરકાંઠા અને અરવલ્લી તથા સૌરાષ્ટ્રના જૂનાગઢ, અમરેલી અને ભાવનગરમાં પણ મેઘાડંબર જોવા મળશે. આવતીકાલે દક્ષિણ ગુજરાતના કેટલાક જિલ્લામાં અતિભારે વરસાદ પડશે.
આગામી 5 દિવસ માછીમારોને દરિયો ન ખેડવા સૂચના
આજે ગાજવીજ અને તોફાની પવન સાથે નવસારી, વલસાડ, દમણ, સુરત, ડાંગ અને તાપી જિલ્લામાં વરસાદની શક્યતાને લઈને આગામી 5 દિવસ માછીમારોને પણ સલામતીના ભાગરૂપે દરિયો ન ખેડવા સૂચના આપી દેવામાં આવી છે. સાથે સાથે દરિયાકાંઠા વિસ્તારોમાં 45થી 60 કિ.મી. પ્રતિ કલાકની ઝડપે પવન ફૂંકાંઈ તેવું પણ હવામાન વિભાગ દ્વારા જણાવાયું છે. તો.અમદાવાદ અને ગાંધીનગરમાં છૂટા છવાયા વરસાદની શકયતા રહેલી છે.
