ગુજરાતના પાટનગર ગાંધીનગરમાં ફરી એક કૌભાંડ સામે આવ્યુ છે. ગાંધીનગરના RTOમાં ટેસ્ટ ડ્રાઇવ વગર જ લાયસન્સ કાઢી આપવાનું કૌભાંડ સામે આવ્યુ છે.

ગુજરાતના પાટનગર ગાંધીનગરમાં ફરી એક કૌભાંડ સામે આવ્યુ છે. ગાંધીનગરના RTOમાં ટેસ્ટ ડ્રાઇવ વગર જ લાયસન્સ કાઢી આપવાનું કૌભાંડ સામે આવ્યુ છે. આ કૌભાંડમાં સંડોવાયેલા 20 જેટલા એજન્ટની અટકાયત કરી સાયબર ક્રાઇમ બ્રાન્ચે પૂછપરછ હાથ ધરી છે.

મળતી માહિતી પ્રમાણે 500 જેટલા શંકાસ્પદ લાયસન્સ ટેસ્ટ ડ્રાઇવ વગર નીકળ્યા હતા. આ કૌભાંડમાં સાયબર ક્રાઇમ બ્રાન્ચે અગાઉ 5 એજન્ટની ધરપકડ કરી હતી. સાથે જ આ સમગ્ર કૌભાંડમાં RTO અધિકારીઓની સંડોવણી હોવાની પણ આશંકા છે. ત્યારે સમગ્ર મામલે વધુ તપાસ હાથ ધરવામાં આવી છે.