મહાદેવ એપના પ્રમોટરોએ છત્તીસગઢના સીએમને 508 કરોડ રૂપિયા આપ્યાનો EDનો દાવો

એક ચોંકાવનારા આરોપમાં E D શુક્રવારે દાવો કર્યો હતો કે તેણે `કેશ કુરિયર` અસીમ દાસને 5 કરોડ રૂપિયાથી વધુની રોકડ રકમ સાથે પકડ્યો છે. તપાસ એજન્સીનો દાવો છે કે અસીમ દાસે EDને આપેલા પોતાના નિવેદનમાં જણાવ્યું છે કે મહાદેવ બેટિંગ એપના પ્રમોટર્સે અત્યાર સુધી છત્તીસગઢના મુખ્યપ્રધાન ભૂપેશ બઘેલ ને 508 કરોડ રૂપિયા ચૂકવ્યા છે. આ તપાસનો વિષય છે.

એજન્સીએ તેની પાસેથી રૂા. 5.39 કરોડ વસૂલ્યા બાદ ચૂંટણીમાં ઘેરાયેલા રાજ્યના કુરિયર અસીમ દાસની ધરપકડ કરી છે. ED મહાદેવ ઑનલાઈન સટ્ટાબાજીની એપ અને તેના પ્રમોટરોની એન્ટી મની લોન્ડરિંગ એક્ટ હેઠળ તપાસ કરી રહી છે.

EDએ દાવો કર્યો છે કે, “2 નવેમ્બરે એન્ફોર્સમેન્ટ ડિરેક્ટોરેટ (ED)ને બાતમી મળી હતી કે 7 અને 17 નવેમ્બર, 2023ના રોજ યોજાનારી વિધાનસભા ચૂંટણીના સંબંધમાં મહાદેવ એપીપીના પ્રમોટરો દ્વારા મોટી માત્રામાં રોકડ છત્તીસગઢ ખસેડવામાં આવી રહી છે. પોલીસે ભિલાઈની હૉટેલ ટ્રાઈટન અને અન્ય સ્થળોએ દરોડા પાડ્યા હતા. રોકડ કુરિયર અસીમ દાસ ઝડપાઈ ગયો, જે શાસક કૉંગ્રેસ પક્ષના ચૂંટણી ખર્ચ માટે મોટી રકમની રોકડ પહોંચાડવા માટે ખાસ કરીને UAEથી મોકલવામાં આવ્યો હતો.

EDએ 5.39 રૂપિયાની રોકડ રકમ રિકવર કરી છે. તેની પાસેથી આ કરોડોની રોકડ રકમ તેની કારમાં અને તેના ઘરમાંથી મળી આવી હતી. અસીમ દાસે કબૂલ્યું છે કે જપ્ત કરાયેલ ભંડોળનો ઉપયોગ મહાદેવ એપના પ્રમોટરો દ્વારા છત્તીસગઢ ભૂપેશ બઘેલ  રાજ્યમાં એક રાજકારણીના આગામી ચૂંટણી ખર્ચ માટે ફાઇનાન્સ કરવા માટે કરવામાં આવ્યો હતો. તેને આપવાની વ્યવસ્થા કરવામાં આવી હતી.

EDએ એક નિવેદનમાં જણાવ્યું હતું કે, “ઈડીએ મહાદેવ એપના કેટલાક બેનામી બૅન્ક એકાઉન્ટ્સ પણ શોધી કાઢ્યા છે, જેમાં 15.59 કરોડ રૂપિયાની બાકી રકમ ફ્રીઝ કરવામાં આવી છે. ઇડીએ અસીમ દાસની ધરપકડ કરી છે. અસીમ દાસની પૂછપરછ કરવામાં આવી રહી છે. ફોરેન્સિક ટેસ્ટમાં તેની પાસેથી મળી આવેલા ફોન અને મહાદેવ નેટવર્કના મોટા આરોપીઓ પૈકીના એક શુભમ સોની દ્વારા મોકલવામાં આવેલા ઈમેલની તપાસમાં અનેક ચોંકાવનારા આક્ષેપો સામે આવ્યા છે, જેમાં મહાદેવના પ્રમોટરોએ ભૂતકાળમાં અને અત્યાર સુધી છત્તીસગઢના મુખ્યપ્રધાન ભૂપેશ બઘેલને લગભગ 508 કરોડ રૂપિયા ચૂકવવામાં આવ્યા છે.” નિવેદનમાં કહેવામાં આવ્યું છે કે આ તપાસનો વિષય છે.

છત્તીસગઢમાં કૉંગ્રેસની સરકાર છે. આ વખતે છત્તીસગઢની કુલ 90 વિધાનસભા બેઠકો માટે 7 અને 17 નવેમ્બરના રોજ બે તબક્કામાં મતદાન થશે અને મતગણતરી 3 ડિસેમ્બરે થશે. કેટલાક નક્સલ પ્રભાવિત સંવેદનશીલ વિસ્તારોમાં, પ્રથમ તબક્કામાં 7 નવેમ્બરે 20 બેઠકો પર મતદાન થશે અને બીજા તબક્કામાં 17 નવેમ્બરે 70 બેઠકો પર મતદાન થશે.