ઓસ્ટ્રેલિયા નહી પરંતુ ટીમ ઇન્ડિયા છે અસલી વર્લ્ડકપ ચેમ્પિયન, આ આંકડાઓ આપી રહ્યા છે પુરાવા

ઓસ્ટ્રેલિયા ક્રિકેટ ટીમ છઠ્ઠી વખત વર્લ્ડ કપ ચેમ્પિયન બની છે. તેણે ફાઇનલમાં ભારતને 6 વિકેટે હરાવ્યું હતું. ભલે ટીમ ઈન્ડિયા વર્લ્ડકપ 2023ની ફાઈનલ મેચ હારી ગઈ હોય, પરંતુ કેટલાક આંકડા એવા છે જે દર્શાવે છે કે ભારત વાસ્તવિક ચેમ્પિયન છે. ભારત તરફથી વિરાટ કોહલી, રોહિત શર્મા અને મોહમ્મદ શમીએ જોરદાર પ્રદર્શન કર્યું હતું. પરંતુ રોહિતનો જાદુ ફાઇનલમાં ચાલી શક્યો નહીં. કોહલી અડધી સદી સુધી મર્યાદિત રહ્યો હતો અને શમીને પણ માત્ર એક જ વિકેટ મળી હતી.

ટીમ ઈન્ડિયાએ સતત 10 મેચ જીતી

આ વખતે ટીમ ઈન્ડિયા સેમિફાઈનલ પહેલા પોઈન્ટ ટેબલમાં ટોપ પર રહી હતી. તેણે સતત 9 મેચ જીતી અને આ પછી સેમિફાઈનલમાં પણ જીત મેળવી. તેણે 9 મેચ જીતી અને 18 પોઈન્ટ મેળવ્યા. મહત્વની વાત એ છે કે ભારતે ઘણી ટીમોને મોટા માર્જિનથી હરાવ્યા છે. ભારતની સફળતામાં કોહલી, શમી, બુમરાહ અને રોહિતનું મહત્વનું યોગદાન હતું.

સેમિફાઇનલમાં ન્યુઝીલેન્ડને હરાવ્યું

ટૂર્નામેન્ટમાં સૌથી વધુ રન બનાવનાર ટોપ 5માં બે ભારતીય ખેલાડીઓ

આ વખતે વર્લ્ડ કપમાં સૌથી વધુ રન બનાવનાર ખેલાડીઓની યાદીમાં ભારતીય ખેલાડીઓ ટોચ પર રહ્યા. કોહલીએ 11 મેચમાં 765 રન બનાવ્યા છે. તે ટોચ પર છે. રોહિત બીજા નંબર પર છે. રોહિતે 11 મેચમાં 597 રન બનાવ્યા હતા. જો ટોપ 10 વિશે વાત કરીએ તો તેમાં 4 ભારતીયો છે. રોહિત અને કોહલીની સાથે શ્રેયસ અય્યર અને કેએલ રાહુલનું નામ પણ  તેમાં સામેલ છે

સૌથી વધુ વિકેટ લેનાર ટોપ 5 ખેલાડીઓમાં 2 ભારતીય

ટીમ ઈન્ડિયાએ બેટિંગની સાથે બોલિંગમાં પણ શ્રેષ્ઠ દેખાવ કર્યો હતો. આ વખતે મોહમ્મદ શમી સૌથી વધુ વિકેટ લેવાના મામલે ટોપ પર રહ્યો. શમીએ 7 મેચમાં 24 વિકેટ લીધી હતી. તેણે સેમિફાઇનલમાં 7 વિકેટ ઝડપી હતી. જસપ્રીત બુમરાહ ચોથા નંબર પર છે. બુમરાહે 11 મેચમાં 20 વિકેટ લીધી હતી.

ભારતે ઘણી મેચો મોટા માર્જિનથી જીતી હતી

ટીમ ઈન્ડિયાએ આ વર્લ્ડ કપમાં તમામ ટીમોને હરાવી હતી. તેણે ઘણી ટીમોને મોટા માર્જિનથી પણ હરાવ્યા હતા. ટીમ ઈન્ડિયાએ સાઉથ આફ્રિકાને ખરાબ રીતે હરાવીને સેમિફાઈનલમાં પ્રવેશ મેળવ્યો હતો. તેણે લીગ તબક્કામાં દક્ષિણ આફ્રિકાને 243 રનથી હરાવ્યું હતું. જ્યારે શ્રીલંકાનો 302 રને પરાજય થયો હતો. નેધરલેન્ડને 160 રને અને ઈંગ્લેન્ડને 100 રને હરાવ્યું હતું.