પશ્ચિમ બંગાળના સંદેશખાલી હિંસાના મુખ્ય આરોપી અને TMC નેતા શાહજહાં શેખની ધરપકડ , ઈડીની ટીમ પર હુમલા બાદ શાહજહાં ફરાર હતા.

પશ્ચિમ બંગાળના સંદેશખાલી હિંસાના મુખ્ય આરોપી અને TMC નેતા શાહજહાં શેખની ધરપકડ કરવામાં આવી છે. બંગાળ પોલીસે કલકત્તા હાઈ કોર્ટના આદેશથી તેની ધરપકડ કરી છે. પોલીસે શાહજહાંની સરબેરીયા વિસ્તારથી ગઈ કાલે રાત્રે ધરપકડ કરી છે. ત્યાર બાદ સવારે લગભગ 5 વાગ્યે બશીરહાટમાં પોલીસ લોકઅપમાં લાવવામાં આવ્યા હતા. સૂત્રો અનુસાર બંગાળ પોલીસ તેને આજે જ કોર્ટમાં રજૂ કરશે. ઈડીની ટીમ પર હુમલા બાદ શાહજહાં ફરાર હતા.

મિનાખનના એસડીપીઓ અમીનુલ ઈસ્લામ ખાને શાહજહાંની ધરપકડની પુષ્ટિ કરતા કહ્યું કે બંગાળ પોલીસે ટીએમસી નેતા શેખ શાહજહાંની નોર્થ 24 પરગનાના મિનાખન વિસ્તારથી ધરપકડ કરી છે. તેને આજે જ બશીરહાટ કોર્ટમાં રજૂ કરવામાં આવશે. શાહજહાં શેખની ઓળખ ટીએમસીના એક મજબૂત અને પ્રભાવશાળી નેતાની રીતે થાય છે. તે સંદેશખાલી યુનિટના ટીએમસી અધ્યક્ષ પણ રહી ચુક્યા છે. પહેલી વખત શાહજહાં શેખ તે સમયે ચર્ચામાં આવ્યા હતા જ્યારે 5 જાન્યુઆરીએ ઈડીની ટીમ શાહજહાંથી બંગાળ રાશન વિતરણ સ્કેમમાં પુછપરછ માટે પહોંચી હતી.

તે સમયે તેમની ગેંગે ઈડીની ટીમ પર હુમલો કરી દીધો હતો. તેના બાદથી ઈડી સતત પુછપરછ માટે શાહજહાં શેખને સમન જાહેર કરી રહી છે. પરંતુ ઈડીની ટીમ પર હુમલા બાદથી શાહજહાં શેખ ફરાર છે જેને 57 દિવસ થઈ ચુક્યા છે.