મધ્ય પ્રદેશ કોંગ્રેસે સોશિયલ મીડિયા હેન્ડલ X પર એક ચોંકાવનારું ટ્વિટ પોસ્ટ કર્યું છે. જેમાં સીટોના કેટલાક આંકડા આપવામાં આવ્યા છે , પોતાના ટ્વિટમાં દાવો કર્યો છે કે કોંગ્રેસ ગઠબંધનને 332 બેઠકો મળી શકે છે. આમાં 5 સીટો વધી કે ઘટી શકે છે
4 તારીખ આવી રહી છે, નવી સરકાર લાવી રહી છે: કોંગ્રેસ ,
મધ્ય પ્રદેશ કોંગ્રેસે સોશિયલ મીડિયા હેન્ડલ X પર એક ચોંકાવનારું ટ્વિટ પોસ્ટ કર્યું છે. જેમાં સીટોના કેટલાક આંકડા આપવામાં આવ્યા છે અને દાવો કરવામાં આવ્યો છે કે કેન્દ્રમાં 4 જૂને INDIA ગઠબંધન સરકાર બનવા જઈ રહી છે. મધ્ય પ્રદેશ કોંગ્રેસે પોતાના ટ્વિટમાં દાવો કર્યો છે કે કોંગ્રેસ ગઠબંધનને 332 બેઠકો મળી શકે છે. આમાં 5 સીટો વધી કે ઘટી શકે છે.
કોંગ્રેસે માત્ર INDIA ગઠબંધનને સીટો જ નથી આપી પરંતુ BJP ગઠબંધનને પણ કેટલીક સીટો બતાવી છે. એમપી કોંગ્રેસના આ ટ્વીટ પ્રમાણે ભાજપના ગઠબંધનને 196 સીટો મળી શકે છે. આમાં પણ 5 સીટો વધી કે ઘટી શકે છે. તેવી જ રીતે 21 બેઠકો પણ પ્રાદેશિક પક્ષો અને અન્યના ખાતામાં જતી દર્શાવવામાં આવી છે.
પરંતુ અહીં સૌથી મોટો પ્રશ્ન એ છે કે કોંગ્રેસના આ દાવાનો આધાર શું છે. આ ટ્વીટને લઈને કોંગ્રેસને સોશિયલ મીડિયા પર પણ ટ્રોલ કરવામાં આવી રહી છે અને કોંગ્રેસને આ દાવાના આધાર પૂછવામાં આવી રહ્યો છે. અહીં બીજો સૌથી મોટો પ્રશ્ન એ ઊભો થાય છે કે જ્યારે ચૂંટણી પંચ દ્વારા લાદવામાં આવેલી આચારસંહિતામાં સ્પષ્ટ ઉલ્લેખ છે કે 19 એપ્રિલથી 1 જૂન સુધી સાંજે 6 વાગ્યા સુધી કોઈ પણ પ્રકારનો એક્ઝિટ પોલ કે સર્વે બતાવી શકાશે નહીં, તો મધ્ય પ્રદેશ કોંગ્રેસે આવું કેમ કર્યું ,
મધ્ય પ્રદેશ કોંગ્રેસે પોતાના ટ્વિટમાં લખ્યું છે કે, 4 તારીખ આવી રહી છે, નવી સરકાર લાવી રહી છે. આવો દાવો કરીને એમપી કોંગ્રેસે એક નવા રાજકીય વિવાદને જન્મ આપ્યો છે. ચૂંટણી પંચ આ મામલાને કેવી રીતે સંજ્ઞાન લે છે તે તો સમય જ કહેશે, પરંતુ કોંગ્રેસના આ દાવાએ ચોક્કસપણે ભાજપને ચિંતામાં મૂકી દીધો છે. એમપી કોંગ્રેસે જે રીતે INDIA ગઠબંધનને પૂર્ણ બહુમતી સાથે સરકાર બનાવતા બતાવ્યું છે તેનાથી મધ્યપ્રદેશના રાજકારણમાં નવો વિવાદ ઉભો થયો છે.
