ચારધામમાં ધસારો યથાવત વીઆઈપી દર્શન 10 જુન સુધી બંધ ,

હિન્દુઓની પવિત્ર ચારધામ યાત્રા શરૂ થતાની સાથે જ ભાવિકોની અભૂતપૂર્વ ભીડ જામી રહી હોવાથી શ્રેણીબદ્ધ પગલા લેવામાં આવ્યા જ છે. વીઆઈપી દર્શન બંધ કરવાની જાહેરાત થઈ હતી. હવે આ નિર્ણય 10 જૂન સુધી લંબાવવામાં આવ્યો છે. ભાવિકોને દર્શનમાં વિક્ષેપ ન પડે તે માટે વીઆઈપી દર્શન બંધ કરાયા છે. ઉતરાખંડના મુખ્ય સચિવ દ્વારા આ મામલે તમામ રાજયોને પત્ર પાઠવ્યો છે. અભૂતપૂર્વ ધસારાને રોકવા માટે ઓનલાઈન રજીસ્ટ્રેશન તથા વેરીફીકેશનનો નિયમ પણ લાગુ કરાયો જ છે.

રજીસ્ટ્રેશન વિના પહોંચતા શ્રદ્ધાળુઓને પરત મોકલવામાં આવી રહ્યા છે. યમુનોત્રીમાં કલમ 154 લાગુ પાડવાની ફરજ પડી છે તેના વિરોધમાં આજે હોટલ એસોસીએશને બંધનું એલાન આપ્યુ છે.