કોરોનાના કેસોમાં ફરી વધારો થયો છે. વર્લ્ડ હેલ્થ ઓર્ગેનાઈઝેશન (ડબ્લ્યુએચઓ) ના અહેવાલ મુજબ ભારતમાં આ વર્ષે જૂન અને જુલાઈ વચ્ચે 908 નવા કોવિડ કેસ અને બે મૃત્યુ જોવા મળ્યા છે.

કોરોનાના કેસોમાં ફરી વધારો થયો છે. વર્લ્ડ હેલ્થ ઓર્ગેનાઈઝેશન (ડબ્લ્યુએચઓ) ના અહેવાલ મુજબ ભારતમાં આ વર્ષે જૂન અને જુલાઈ વચ્ચે 908 નવા કોવિડ કેસ અને બે મૃત્યુ જોવા મળ્યા છે. યુએન કોવિડ અપડેટ દર્શાવે છે કે 24 જૂન અને 21 જુલાઈ વચ્ચે 85 દેશોમાં દર અઠવાડિયે SARS-CoV-2 માટે સરેરાશ 17,358 નમૂનાઓનું પરીક્ષણ કરવામાં આવ્યું હતું.

આ સમયગાળા દરમિયાન, વિશ્વભરમાં નવા કેસોમાં 30 ટકા, મૃત્યુમાં 26 ટકાનો વધારો થયો છે. 96 દેશોમાં 1,86,000 થી વધુ નવા કેસ નોંધાયા છે અને 35 દેશોમાં 2,800 થી વધુ નવા મૃત્યુ નોંધાયા છે. ડબ્લ્યુએચઓએ નોંધ્યું છે કે 21 જુલાઈ સુધીમાં, ’ મહામારીની શરૂઆતથી વૈશ્વિક સ્તરે 775 મિલિયનથી વધુ કેસ અને 7 મિલિયન મૃત્યુ નોંધાયા છે.’

યુ.એસ. અને યુરોપીયન ક્ષેત્રના દેશોમાં કોવિડને કારણે હોસ્પિટલમાં દાખલ થવા અને ઈંઈઞ દાખલ થવાની સૌથી વધુ સંખ્યા નોંધાઈ છે. દક્ષિણ-પૂર્વ એશિયા ક્ષેત્રમાં, થાઇલેન્ડમાં સૌથી વધુ નવા કેસ અને મૃત્યુ નોંધાયા છે. વધુમાં, રિપોર્ટમાં કહેવામાં આવ્યું છે કે વૈશ્વિક સ્તરે, JN.1 એ કોરોનાનું સૌથી સામાન્ય રીતે નોંધાયેલ પ્રકાર (VOI) છે, જે 135 દેશોમાં હાજર છે.

દરમિયાન, કેન્દ્રીય આરોગ્ય મંત્રાલયના કોવિડ ડેશબોર્ડ અનુસાર, ભારતના ઘણા રાજ્યોમાં કોવિડ કેસોમાં વધારો જોવા મળી રહ્યો છે. અરુણાચલ પ્રદેશ, આસામ, મણિપુર, મિઝોરમ, નાગાલેન્ડ, સિક્કિમ, મહારાષ્ટ્ર, મેઘાલય, રાજસ્થાન અને પશ્ચિમ બંગાળમાં પાંચ ટકાથી વધુ હકારાત્મકતા દરનો અનુભવ થઈ રહ્યો છે. તેમાંથી મહારાષ્ટ્રમાં સૌથી વધુ 417 કેસ છે, ત્યારબાદ પશ્ચિમ બંગાળમાં 157 અને ઉત્તરાખંડમાં 64 કેસ છે. ઇન્ડિયન કાઉન્સિલ ઓફ મેડિકલ રિસર્ચ (ICMR) અને નેશનલ સેન્ટર ફોર ડિસીઝ કંટ્રોલ (NCDC) અનુસાર, JN.1 ઓમિક્રોન વેરિઅન્ટમાંથી વિકસિત અત્યંત ટ્રાન્સમીસિબલ KP.1 અને KP.2 સ્ટ્રેન્સ, વધારા માટે જવાબદાર છે.