શ્રીકૃષ્ણ જન્માષ્ટમીનો તહેવાર હિન્દુ ધર્મમાં મહત્વપૂર્ણ છે. આ દિવસે ભગવાન વિષ્ણુના આઠમા અવતાર ભગવાન કૃષ્ણનો જન્મ થયો હતો. આ વર્ષે જન્માષ્ટમી પર દ્વાપર યુગની જેમ શુભ યોગ બની રહ્યો છે.

ર વર્ષે ભાદ્રપદ માસના કૃષ્ણ પક્ષની અષ્ટમી તિથિના દિવસે ભગવાન શ્રી કૃષ્ણની જન્મજયંતિ ઉજવવામાં આવે છે. આ વર્ષે આ તહેવાર 26 ઓગસ્ટ અને 27 ઓગસ્ટે ઉજવવામાં આવી રહ્યો છે. આ ભગવાન કૃષ્ણની 5251મી જન્મજયંતિ છે. નિષ્ણાતોના મતે, જેઓ સ્માર્તા એટલે કે ગૃહસ્થ ધર્મનું પાલન કરે છે તેઓ 26 ઓગસ્ટે જન્માષ્ટમી ઉજવશે. તે જ સમયે, વૈષ્ણવ સંપ્રદાયના લોકો 27 ઓગસ્ટના રોજ જન્માષ્ટમીની ઉજવણીની તૈયારી કરી રહ્યા છે. આ વર્ષે કૃષ્ણ જન્માષ્ટમી ખૂબ જ ખાસ માનવામાં આવે છે, કારણ કે વર્ષો પછી આ દિવસે એક દુર્લભ સંયોગ બની રહ્યો છે.

જ્યોતિષીય ગણતરી મુજબ આ વખતે જન્માષ્ટમી પર એવો જ શુભ યોગ બની રહ્યો છે જે દ્વાપરમાં રચાયો હતો. તેમજ આ વર્ષે કૃષ્ણ જન્માષ્ટમીના દિવસે ચંદ્ર વૃષભ રાશિમાં રહેશે. કહેવાય છે કે જ્યારે દ્વાપર યુગમાં ભગવાન શ્રીકૃષ્ણનો જન્મ થયો હતો ત્યારે પણ આવો જ યોગ રચાયો હતો. આ ઉપરાંત કૃષ્ણ જન્માષ્ટમીના દિવસે સર્વાર્થ સિદ્ધિ યોગ બનવાનો છે. આ દિવસે ષષ્ઠ રાજયોગ અને ગુરુ-ચંદ્રના સંયોગથી ગજકેસરી યોગ પણ બનવા જઈ રહ્યો છે. તેથી એકંદરે આ વખતે શ્રી કૃષ્ણ જન્માષ્ટમીનો પવિત્ર અવસર લોકો માટે ખૂબ જ ફળદાયી સાબિત થઈ શકે છે. આ અવસરે ભગવાન શ્રીકૃષ્ણની પૂજા કરવાથી તમામ મનોકામનાઓ પૂર્ણ થાય છે અને જીવનમાં સુખ અને સમૃદ્ધિ આવે છે.

જન્માષ્ટમીના દિવસે ભૂલથી તુલસીના પાંદડા ન તોડવા જોઈએ. ભગવાન વિષ્ણુને તુલસી પ્રત્યે ઘણો પ્રેમ છે અને કૃષ્ણ ભગવાન વિષ્ણુનો જ અવતાર છે. તેમના જન્મોત્સવના દિવસે તુલસીના પાંદડા ન તોડવા.

સાથે જ જન્માષ્ટમીના દિવસે ભાત ન ખાવા જોઈએ. જે લોકો વ્રત ન રાખે તે લોકોએ પણ ભાત ન ખાવા જોઈએ.

જન્માષ્ટમીના દિવસે કોઈને અપશબ્દો ન બોલવા અને મનમાં ખરાબ વિચાર ન કરવા. વ્રતના દિવસે મન પવિત્ર રાખવું જરૂરી છે.

તે સિવાય જન્માષ્ટમીના દિવસે લસણ-ડુંગળી, માસ, દારૂ અને તામસિક ભોજનનું સેવન ન કરવું જોઈએ.

આ દિવસે ભગવાન કૃષ્ણની પીઠના દર્શન ન કરવા જોઈએ, આવું કરવાથી વ્યક્તિના પુણ્ય ઓછા થઈ જાય છે.

જન્માષ્ટમીના દિવસે ભગવાન કૃષ્ણના શ્રૃંગારમાં કાળા કલરનો ઉપયોગ ન કરવો. તેમજ કાળા કપડા પણ ન પહેરવા.

શ્રીકૃષ્ણ જન્માષ્ટમીનો તહેવાર હિન્દુ ધર્મમાં મહત્વપૂર્ણ છે. આ દિવસે ભગવાન વિષ્ણુના આઠમા અવતાર ભગવાન કૃષ્ણનો જન્મ થયો હતો. આ વર્ષે જન્માષ્ટમી પર દ્વાપર યુગની જેમ શુભ યોગ બની રહ્યો છે. જ્યારે ભગવાન કૃષ્ણનો જન્મ થયો હતો. આજે 26 ઓગસ્ટે સમગ્ર દેશમાં કૃષ્ણ જન્માષ્ટમી મનાવવામાં આવી રહી છે. જન્માષ્ટમીના દિવસે ભક્તો કૃષ્ણ માટે વ્રત રાખે છે અને તેમની વિશેષ પૂજા અર્ચના કરે છે. જન્માષ્ટમીના દિવસે વ્રત પૂજા કરવા માટે કેટલાક નિયમ છે જેનું પાલન કરવું જરૂરી છે. સાથે જ જન્માષ્ટમીના દિવસે કેટલીક ભૂલો કરવાથી બચવું જોઈએ.