ફાસ્ટેગ વાપરતા હોવ તો આ સમાચાર તમારા માટે ઉપયોગી ; તમારો ફાસ્ટેગ બ્લેકલિસ્ટેડ, બંધ અથવા નિષ્ક્રિય છે, તો ટોલ પર જતા પહેલા કેટલાક મહત્વપૂર્ણ નિયમોનું પાલન કરવું પડશે.

નવા નિયમ મુજબ ફાસ્ટેગ માટે 70 મિનિટનો સમયગાળો નક્કી કરવામાં આવ્યો છે. આ અંતર્ગત ટોલ બૂથ પાર કરતા પહેલા 60 મિનિટ પહેલા તેને રિચાર્જ કરવું પડશે , 

ફાસ્ટેગ વાપરતા હોવ તો આ સમાચાર તમારા માટે ઉપયોગી છે. આજથી એટલે કે 17 ફેબ્રુઆરીથી ફાસ્ટેગના નિયમોમાં ફેરફાર કરવામાં આવ્યો છે. માર્ગ પરિવહન મંત્રાલયે ટોલ પ્લાઝા પર ભીડ અને વિલંબ ઘટાડવા અને મુસાફરીને ઝડપી બનાવવા માટે આ સિસ્ટમ લાગુ કરી છે. નેશનલ પેમેન્ટ કોર્પોરેશન ઓફ ઈન્ડિયા (NPCI) દ્વારા ફાસ્ટેગના નિયમોમાં ફેરફાર કરવામાં આવ્યા છે જે સોમવારથી અમલમાં આવી ગયા છે. આ અંતર્ગત જો તમારો ફાસ્ટેગ બ્લેકલિસ્ટેડ, બંધ અથવા નિષ્ક્રિય છે, તો ટોલ પર જતા પહેલા કેટલાક મહત્વપૂર્ણ નિયમોનું પાલન કરવું પડશે .

નવા નિયમ મુજબ ફાસ્ટેગ માટે 70 મિનિટનો સમયગાળો નક્કી કરવામાં આવ્યો છે. આ અંતર્ગત ટોલ બૂથ પાર કરતા પહેલા 60 મિનિટ પહેલા તેને રિચાર્જ કરવું પડશે. ટોલ પાર કર્યાના 10 મિનિટ પછી પણ આ કામ કરી શકાય છે. જો ડ્રાઈવર આમ કરવામાં નિષ્ફળ જાય તો તેણે બમણો ટોલ ચૂકવવો પડશે. આ માટે નેશનલ પેમેન્ટ્સ કોર્પોરેશને 28 જાન્યુઆરીએ એક પરિપત્ર બહાર પાડ્યો હતો.

ફાસ્ટેગને બ્લેકલિસ્ટ કરવા પાછળ ઘણા કારણો હોઈ શકે છે. જો તમારા FASTag ખાતામાં ઓછામાં ઓછી જરૂરી બેલેન્સ ન હોય, તો તમારા ફાસ્ટેગને બ્લેકલિસ્ટ કરવામાં આવી શકે છે. આ ઉપરાંત ઘણી વખત KYC પૂર્ણ ન હોવાને લઇ પણ ફાસ્ટેગ બ્લેકલિસ્ટ થઈ શકે છે. ક્યારેક જો વાહન સંબંધિત કોઈ કાનૂની કેસ ચાલી રહ્યો હોય, તો પરિવહન વિભાગ દ્વારા તેને બ્લેકલિસ્ટ કરી શકાય છે.

આ નિયમ લાવવાનું મુખ્ય કારણ ટોલ પ્લાઝા પર ભીડ ઘટાડવાનું છે. ઘણી વખત ફાસ્ટેગમાં પૂરતા બેલેન્સ ન હોવાને કારણે વાહનચાલકો ટોલ પર રોકાઈ જાય છે. આનાથી જામની સ્થિતિ સર્જાય છે. નવા નિયમો હેઠળ હવે એ સુનિશ્ચિત કરવામાં આવશે કે ડ્રાઇવર પોતાનો ફાસ્ટેગ સક્રિય રાખે અને અગાઉથી રિચાર્જ કરે.

જો કોઈનું ફાસ્ટેગ બ્લેકલિસ્ટેડ અથવા ઇનએક્ટિવ થઈ જાય તો તેને ફરીથી સક્રિય કરવું પડશે. આ માટે પહેલા NPCI ની સત્તાવાર વેબસાઇટ https://www.npci.org.in પર જાઓ. આ પછી “NETC FASTag” વિકલ્પ પસંદ કરો અને “NETC FASTag Status” વિકલ્પ પર ક્લિક કરો. તમે વાહન નોંધણી નંબર દાખલ કરીને અહીં તમારી સ્થિતિ ચકાસી શકો છો. જો ફાસ્ટેગ ઇનએક્ટિવ હોય તો તમને તેને રિચાર્જ કરવાનો વિકલ્પ મળશે. રિચાર્જ અને કેવીઆઇ પૂર્ણ કર્યા પછી તમારું ફાસ્ટેગ ફરીથી સક્રિય થઈ જશે.