જૂનાગઢ મહાનગરપાલિકાના પરિણામમાં ઉલટફેર, પૂર્વ ડેપ્યુટી મેયર ગિરીશ કોટેચાના દીકરા પાર્થ કોટેચાની હાર ,

ગુજરાતમાં 16 ફેબ્રુઆરીના રોજ સ્થાનિક સ્વરાજ્યની ચૂંટણીનું મતદાન પૂર્ણ થયું હતું. ત્યારે હવે આજે સ્થાનિક સ્વરાજ્યની ચૂંટણીનું પરિણામ જાહેર કરવામાં આવશે. સવારે 9 વાગ્યાથી મતગણતરી શરૂ થશે. જૂનાગઢ મહાનગરપાલિકા, 68 નગરપાલિકા અને ત્રણ 3 તાલુકા પંચાયતની ચૂંટણીમાં સરેરાશ 57 ટકા મતદાન નોંધાયું છે. સૌથી વધુ ચોરવાડ પાલિકામાં 76 ટકા મતદાન થયું હતું. તો જૂનાગઢ મહાનગરપાલિકાની ચૂંટણીમાં માત્ર 40 ટકા મતદાન થયું હતું. 

જૂનાગઢ મહાનગરપાલિકાના કુલ 15 વોર્ડમાંથી બે વોર્ડ (3 અને 14) બિનહરીફ જાહેર થયા છે, તો કુલ 60 બેઠકોમાંથી 8 બેઠકો બિનહરીફ (ભાજપ) જાહેર થઈ છે. એમ 13 વોર્ડની કુલ 52 બેઠકો પર ચૂંટણી યોજાઈ હતી, જેના માટે આજે મતગણતરી થશે. જયારે રાજ્યની 66 નગરપાલિકાઓમાં કુલ 461 વોર્ડમાંથી 24 વોર્ડ બિનહરીફ જાહેર થયા છે. તો કુલ 1844 બેઠકોમાંથી 167 બેઠકો બિનહરીફ છે, જેમાં 162 ભાજપની, 1 બેઠક કોંગ્રેસ અને 04 બેઠક અન્યને મળી છે. ત્યારે આજે 1679 બેઠકો પર ચૂંટણીનું પરિણામ આવશે.

પૂર્વ ડેપ્યુટી મેયર ગિરીશ કોટેચાના દીકરા પાર્થ કોટેચાની હાર; વોર્ડ નંબર 9માં ભાજપની પેનલ તૂટી. ભાજપના ગીતાબેન પરમાર, ચેતનાબેન ચુડાસા, આકાશ કટારાની જીત.