BSE સેન્સેક્સ લગભગ 100 પોઈન્ટ વધીને 78080 પર ટ્રેડ થઈ રહ્યો છે. તો નેશનલ સ્ટોક એક્સચેન્જમાં પણ સતત વધારો થઈ રહ્યો છે. NSE નિફ્ટી લગભગ 50 પોઈન્ટ વધીને 23709 પર ટ્રેડ કરી રહ્યો છે ,
શેરબજારમાં આજે બુધવારે અઠવાડિયાના સતત ત્રીજા દિવસે પણ હકારાત્મક વલણ જોવા મળ્યું છે. સેન્સેક્સ અને નિફ્ટીમાં નોંધપાત્ર ઉછાળો જોવા મળ્યો છે.
બુધવારે અઠવાડિયાના ત્રીજા કારોબારી દિવસે ભારતીય શેરબજાર ફ્લેટ શરૂઆત કરી છે. જો કે હરિયાળી હજુ અકબંધ છે. જો કે બજાર સકારાત્મક વલણ સાથે ખૂલ્યું હતું. બજારની શરૂઆતમાં બોમ્બે સ્ટોક એક્સચેન્જના સેન્સેક્સ અને એનએસઈ નિફ્ટીમાં થોડો વધારો ચાલુ રહ્યો. આજે BSE સેન્સેક્સ લગભગ 100 પોઈન્ટ વધીને 78080 પર ટ્રેડ થઈ રહ્યો છે. તો નેશનલ સ્ટોક એક્સચેન્જમાં પણ સતત વધારો થઈ રહ્યો છે. NSE નિફ્ટી લગભગ 50 પોઈન્ટ વધીને 23709 પર ટ્રેડ કરી રહ્યો છે. ગઈકાલે પણ શેરબજારમાં સારો વધારો જોવા મળ્યો હતો.
ગઈકાલે એટલે કે મંગળવારે ભારતીય શેરબજાર સતત સાતમા દિવસે લીલા નિશાન પર બંધ થયું. બીએસઈ સેન્સેક્સ 32 પોઈન્ટના નજીવા વધારા સાથે 78017 પર બંધ થયો. બીજી તરફ NSE નિફ્ટી 10 પોઈન્ટ વધીને 23668 પર બંધ થયો.
શેરબજારમાં સતત સાત દિવસથી તેજી જોવા મળી રહી છે. આ પાછળ કેટલાક મહત્વપૂર્ણ કારણો છે. અમેરિકાના રાષ્ટ્રપતિ ડોનાલ્ડ ટ્રમ્પે ઓટોમોબાઈલ ક્ષેત્ર પર નવા ટેરિફ લાદવાનો સંકેત આપ્યો છે.વેનેઝુએલાથી તેલ કે ગેસ ખરીદનારા દેશો પર અમેરિકા સાથેના વેપાર પર 25 ટકા ટેરિફ લાદવામાં આવશે. આના કારણે તેલ કંપનીઓના શેરમાં ઉતાર-ચઢાવ આવી શકે છે. અગાઉ સોમવારે બજારમાં જોરદાર ઉછાળો જોવા મળ્યો હતો અને આવી સ્થિતિમાં શેરબજાર ઊંચા સ્તરે પહોંચતાં રોકાણકારોએ નફો બુક કર્યો હતો. ભારતીય શેરબજારોમાં FII પણ ખરીદી કરી રહ્યા છે. આ ઉપરાંત અમેરિકન ડોલર સામે ભારતીય રૂપિયો મજબૂત થતો જોવા મળ્યો છે.
