વડાપ્રધાન નરેન્દ્ર મોદી દેશના કુલ 103 નવીનીકૃત અમૃત ભારત રેલવે સ્ટેશન્સનું લોકાર્પણ કરશે.તેમાં ગુજરાતના પણ 18 રેલવે સ્ટેશન્સ હશે.
ભારતીય રેલવેએ દેશના 1300થી વધુ રેલવે સ્ટેશનોનું કાયાકલ્પ કરવાનું કામ શરૂ કર્યું અને હવે 2 વર્ષથી ઓછા સમયમાં અમૃત ભારત સ્ટેશન યોજના હેઠળ 103 રિડેવલપમેન્ટ કરાયેલા રેલવે સ્ટેશનોનું ઉદ્ઘાટન કરવામાં આવી રહ્યું છે.
રાજસ્થાનની મુલાકાતે આવનાર છે, જ્યાં તેઓ બિકાનેરના દેશનોકથી અમૃત ભારત સ્ટેશન યોજના હેઠળ રિડેવલપમેન્ટ કરાયેલા 103 સ્ટેશનોનું ઉદ્ઘાટન કરશે અને બિકાનેર-મુંબઈ એક્સપ્રેસ ટ્રેનને લીલી ઝંડી આપશે. આ પછી વડાપ્રધાન 26,000 કરોડ રૂપિયાથી વધુના અનેક વિકાસ પ્રોજેક્ટ્સનો શિલાન્યાસ અને ઉદ્ઘાટન કરશે અને તેમને રાષ્ટ્રને સમર્પિત કરશે.
મોટાભાગના રેલવે સ્ટેશનો શહેરનું હૃદય છે, જેની આસપાસ શહેરની બધી આર્થિક, સામાજિક અને સાંસ્કૃતિક પ્રવૃત્તિઓ કેન્દ્રિત છે. તેથી રેલવે સ્ટેશનો એવી રીતે વિકસાવવા જરૂરી છે કે રેલવે સ્ટેશનો ફક્ત ટ્રેનો માટે સ્ટોપેજના સ્થળો જ નહીં, પણ શહેરની ઓળખ પણ બને. જ્યારે શહેરના સાંસ્કૃતિક, આધ્યાત્મિક અને ધાર્મિક વારસાના આધારે સુંદર અને ભવ્ય સ્ટેશનો વિકસાવવામાં આવે છે, ત્યારે ટ્રેન દ્વારા આવતા સ્થાનિક અને વિદેશી પ્રવાસીઓ શહેર સાથેના તેમના પ્રથમ પરિચયને યાદગાર બનાવે છે.
ભારતીય રેલવેએ દેશના 1300થી વધુ રેલવે સ્ટેશનોનું કાયાકલ્પ કરવાનું કામ શરૂ કર્યું અને હવે 2 વર્ષથી ઓછા સમયમાં અમૃત ભારત સ્ટેશન યોજના હેઠળ 103 રિડેવલપમેન્ટ કરાયેલા રેલવે સ્ટેશનોનું ઉદ્ઘાટન કરવામાં આવી રહ્યું છે. વડાપ્રધાને ઘણા કાર્યક્રમોમાં કહ્યું છે કે તેઓ જે પ્રોજેક્ટ્સનો શિલાન્યાસ કરે છે તેનું ઉદ્ઘાટન પણ કરે છે. આ વિકાસશીલ ભારતની નવી સંસ્કૃતિ છે, જેના હેઠળ પ્રોજેક્ટ્સ પૂર્ણ કરવાની ગતિમાં નોંધપાત્ર વધારો થયો છે.
વડાપ્રધાન 18 રાજ્યો અને કેન્દ્રશાસિત પ્રદેશોના 86 જિલ્લાઓમાં 1100 કરોડ રૂપિયાથી વધુના ખર્ચે 103 પુનઃવિકસિત અમૃત સ્ટેશનોનું ઉદ્ઘાટન કરશે. અમૃત ભારત સ્ટેશન યોજના હેઠળ, 1,300થી વધુ સ્ટેશનોનો આધુનિક સુવિધાઓ સાથે પુનઃવિકાસ કરવામાં આવી રહ્યો છે, જે પ્રાદેશિક સ્થાપત્યને પ્રતિબિંબિત કરવા અને મુસાફરોની સુવિધાઓ વધારવા માટે રચાયેલ છે.
