રાજ્યમાં આગામી દિવસોમાં વરસાદનું જોર ઘટશે. હવામાન વિભાગે વરસાદની આગાહી કરી છે. આગામી 7 દિવસ હળવાથી મધ્યમ વરસાદની સંભાવના છે.
રાજ્યમાં વરસાદને લઈ હવામાન વિભાગ, અંબાલાલ પટેલ અને પરેશ ગોસ્વામી દ્વારા આગાહી કરવામાં આવી છે.
રાજ્યમાં આગામી દિવસોમાં વરસાદનું જોર ઘટશે. હવામાન વિભાગે વરસાદની આગાહી કરી છે. આગામી 7 દિવસ હળવાથી મધ્યમ વરસાદની સંભાવના છે. આગામી 24 કલાક ઉત્તર અને દક્ષિણ ગુજરાતમાં ભારે વરસાદની આગાહી કરવામાં આવી છે. ત્યારે બાદ રાજ્યમાં વરસાદની ગતિ ધીમી પડવાની શક્યતા છે. ગાજવીજ સાથે 30 થી 40 કિમીની ઝડપે પવન ફુંકાશે. 17 જુલાઈ બાદ સમગ્ર રાજ્યમાં વરસાદ વિરામ લેશે.
આજથી બે દિવસ રાજ્યમાં વરસાદની આગાહી હવામાન નિષ્ણાંત અંબાલાલ પટેલ દ્વારા કરવામાં આવી છે. ઉત્તર ગુજરાતમાં ભારે વરસાદની સંભાવના વ્યક્ત કરવામાં આવી છે. 23 થી 27 જુલાઈ દરમ્યાન ગુજરાતમાં વધઝુ એક સિસ્ટમ સક્રિય થશે. નવી સિસ્ટ ગુજરાતમાં ભારે વરસાદ લાવશે. ઉત્તર, દક્ષિણ અને પૂર્વ ગુજરાતમાં ભારે વરસાદ પડશે. 26 થી 29 જુલાઈ વચ્ચે પણ અણધાર્યા વરસાદની સંભાવના છે. 6 થી 10 ઓગસ્ટ વચ્ચે દક્ષિણ ગુજરાતમાં ભારે વરસાદની શક્યતાઓ છે.
રાજ્યમાં વરસાદે હાલ આરામ લીધો છે. હાલમાં વરસાદની કોઈ શક્યતાઓ નથી. તેમજ હવામાન નિષ્ણાંત પરેશ ગોસ્વામીએ આગાહી કરતા જણાવ્યું હતું કે, ચાલુ સિઝનમાં ગુજરાતમાં 46 ટકા વરસાદ નોંધાયો છે. અરબ સાગરમાં એક મહિના પહેલા સિસ્ટમ બની હતી. એક મહિના બાદ કોઈ વરસાદની સિસ્ટમ બની નથી. થોડાક દિવસોમાં 3-4 ડિગ્રી તાપમાન ઊંચું નોંધાવવાની શક્યતાઓ છે. રાજ્યમાં 19 જુલાઈ સુધી વરસાદની કોઈ શક્યતાઓ નહી. ખેડૂતો માટે વરસાદનો વિરામ ફાયદાકારક રહેશે.
