2024 પહેલા ભાજપમાં મોટો ફેરફાર, આ ચાર રાજ્યોના પ્રદેશ અધ્યક્ષ બદલાયા

આવતા વર્ષે લોકસભાની ચૂંટણી માટે ભાજપે અત્યારથી તૈયારી શરૂ કરી દીધી છે. સતત ત્રિજી વખત ભાજપ સત્તામાં આવની તૈયારી કરી રહ્યું છે. આ દરમિયાન ભાજપે લોકસભાની ચૂંટણી પહેલા મોટો ફેરફાર કર્યો છે. ભાજપે પંજાબ, ઝારખંડ, આંધ્રપ્રદેશ અને તેલંગણામાં પ્રદેશ અધ્યક્ષ બદલ્યા છે.

પૂર્વ કેન્દ્રીય મંત્રી પી પુરંદેશ્વરીને આંધ્રપ્રદેશની જવાબદારી સોંપવામાં આવી છે. આ સાથે જ પૂર્વ મુખ્યમંત્રી અને ધારાસભ્ય બાબુલાલ મરાંડીને ઝારખંડની કમાન  સોંપવામાં આવી છે. પૂર્વ સાંસદ સુનીલ જાખડ કોંગ્રેસમાંથી ભાજપમાં આવ્યા હતા તેમને ભાજપ પાર્ટીએ પંજાબની કમાન સોંપી છે. આ સિવાય કેન્દ્રીય મંત્રી અને સાંસદ જી કિશન રેડ્ડીને તેલંગાણાના પ્રદેશ અધ્યક્ષ બનાવવામાં આવ્યા છે.