શેરબજારમાં આજે રોકાણકારોનાં અબજો રૂપિયા ધોવાયા, નિફ્ટી 19,000 ની નીચે, સેન્સેક્સ 400 પોઈન્ટ તૂટ્યો

ભારતીય શેરબજારે આજે ફરી ઘટાડા સાથે શરૂઆત કરી છે. ગઈકાલના જોરદાર ઘટાડા સાથે આજની શરૂઆત પણ નબળાઈ સાથે થઈ છે. NSE માર્કેટ ખુલતાની સાથે જ તે 19,000 ની નીચે સરકી ગયો અને 18,995 ની નીચી સપાટી બતાવ્યો. બજાર ખુલતાની સાથે જ સેન્સેક્સ પણ 63,700ની નીચે સરકી ગયો હતો. નિફ્ટી ઈન્ટ્રાડેમાં 19 હજારની નીચે સરકી ગયો છે અને આ સ્તર 28 જૂન, 2023 પછી પહેલીવાર આવ્યું છે.

આજના કારોબારમાં BSE સેન્સેક્સ 274.90 પોઈન્ટ અથવા 0.43 ટકાના ઘટાડા સાથે 63,774 ના સ્તર પર ખુલ્યો. આ સિવાય NSE નો નિફ્ટી 94.90 પોઈન્ટ અથવા 0.50 ટકાના ઘટાડા સાથે 19,027 ના સ્તર પર ટ્રેડ કરી રહ્યો છે.

BSE સેન્સેક્સના 30 માંથી 29 શેર ઘટાડા સાથે ટ્રેડ થઈ રહ્યા છે જ્યારે માત્ર એક એક્સિસ બેન્કનો શેર 1.20 ટકાના વધારા સાથે લીલા રંગમાં રહેવામાં સફળ જણાય છે. ટેક મહિન્દ્રામાં સૌથી વધુ 3.13 ટકાનો ઘટાડો જોવા મળી રહ્યો છે.

જો આપણે નિફ્ટી શેર્સ પર નજર કરીએ તો, તેના 50 શેરમાંથી 49 શેરમાં ઘટાડાનું લાલ નિશાન પ્રબળ છે અને માત્ર એક શેર જ લાભ સાથે ટ્રેડ થઈ રહ્યો છે. માત્ર એક્સિસ બેંકના શેરમાં 1.28 ટકાનો વધારો જોવા મળી રહ્યો છે. નિફ્ટીનો ટોપ લૂઝર અદાણી એન્ટરપ્રાઈઝ લગભગ 3 ટકાના તીવ્ર ઘટાડા સાથે ટ્રેડ થઈ રહ્યો છે આજે શૅરબજારની પ્રી-ઓપનિંગમાં બજાર લાલ નિશાનમાં જોવા મળ્યું હતું. BSE સેન્સેક્સ 117 અંક એટલે કે 0.18 ટકાના ઘટાડા સાથે 63931 ના સ્તર પર જોવામાં આવ્યો હતો. જ્યારે NSE નો નિફ્ટી 38.85 પોઈન્ટ અથવા 0.20 ટકા ઘટીને 19083 ના સ્તર પર જોવા મળ્યો હતો.