ડિજીટલ પેમેન્ટનો આગ્રહ રાખવો તે સારી બાબત છે પરંતુ ટેકનોલોજીનો દુરુપયોગ કરીને સાયબર ગઠીયાઓ નાગરિકોની પરસેવાની કમાણી ગણતરીની મીનીટોમાં ચાઉ કરી જતા હોય છે. આવા કિસ્સા રોજબરોજ પોલીસ ચોપડે નોંધાતા આવ્યા છે.
સ્ટેટ સાયબર ક્રાઈમે જે મોબાઈલ નંબરો થકી વારંવાર છેતરપીંડી આચરવામાં આવતી હતી તેવા ઘણા નંબરોનો ડેટા બેંક બનાવી હતી. તે માહિતી સંબંધીત વિભાગને મોકલી આપીને તે તમામ મોબાઈલ નંબરોને કાયમી ધોરણે બ્લોક કરાવી દીધા છે. કેન્દ્ર સરકારના ટેલીકોમ વિભાગે સમગ્ર દેશભરમાંથી 70 લાખ મોબાઈલ નંબરોને બંધ કરાવી દીધા છે.
ડિજીટલ પેમેન્ટનો આગ્રહ રાખવો તે સારી બાબત છે પરંતુ ટેકનોલોજીનો દુરુપયોગ કરીને સાયબર ગઠીયાઓ નાગરિકોની પરસેવાની કમાણી ગણતરીની મીનીટોમાં ચાઉ કરી જતા હોય છે. આવા કિસ્સા રોજબરોજ પોલીસ ચોપડે નોંધાતા આવ્યા છે.
આવા સંજોગોમાં નાગરિકોને સુરક્ષા મળી રહે તે માટે સીઆઈડીએ શંકાસ્પદ વ્યવહારોવાળા 56421 મોબાઈલ નંબરોને કાયમી ધોરણે બંધ કરાવ્યા છે. સીઆઈડીએ સાયબર ફ્રોડથી અને તેમાંય આર્થિક નુકશાની થાય તેવા કિસ્સાઓને અટકાવવા મોબાઈલ નંબરોને બંધ કરાવી દીધા છે. ભવિષ્યમાં સાયબર ગુના આચરતા આરોપીઓ બીજી વખત જે-તે મોબાઈલ નંબરનો ઉપયોગ કરી શકશે નહી. સ્ટેટ સાયબર ક્રાઈમે જે મોબાઈલ નંબરો થકી વારંવાર છેતરપીંડી આચરવામાં આવતી હતી તેવા ઘણા નંબરોનો ડેટા બેંક બનાવી હતી. તે માહિતી સંબંધીત વિભાગને મોકલી આપીને તે તમામ મોબાઈલ નંબરોને કાયમી ધોરણે બ્લોક કરાવી દીધા છે. કેન્દ્ર સરકારના ટેલીકોમ વિભાગે સમગ્ર દેશભરમાંથી 70 લાખ મોબાઈલ નંબરોને બંધ કરાવી દીધા છે.
બેંકો પોતાની સિકયોરીટી સીસ્ટમ વધુ મજબૂત બનાવે તો આવનારા સમયમાં ખાતેદારોના મહેનતની કમાણી સાયબર ફ્રોડ કરનારા લોકોના હાથે લાગી શકે નહીં. બીજી તરફ લોકોએ પણ સાયબર ક્રાઈમ અને તેના ગુનાઓને સમજવાની જરૂર છે. સોશ્યલ મીડીયા હોય કે પછી ડિજીટલ પેમેન્ટની સુવિધા હોય આ તમામ બાબતોનો ઉપયોગ સમજી વિચારીને કરવો જોઈએ.
ઉપરાંત સોશિયલ મીડીયામાં પોતાના અંગત જીવન અંગેના વિચારો શકય હોય ત્યાં સુધી પોસ્ટ કરવા જોઈએ નહીં. આવું કરવાથી ભવિષ્યમાં મોટા નુકસાનીથી બચી શકાય છ.
