ગુજરાતના રાજકારણમાં અસદુદ્દીન ઓવૈસીની પાર્ટી AIMIM એ પણ એન્ટ્રી કરી છે. ગુજરાતની 26 બેઠકમાંથી ઓવૈસીની પાર્ટી AIMIM એ બે સીટો પર ચૂંટણી લડવાની જાહેરાત કરી છે

દેશમાં સાત તબક્કામાં લોકસભાની ચૂંટણી થવાની છે. 26 સીટો પર મતદાન  7 મે ના રોજ યોજાશે. ભાજપે તમામ 26 ઉમેદવારોના નામ પર મહોર લાગવી દીધી છે. બીજી તરફ આ વખતે ગુજરાતમાં આપ અને કોંગ્રેસ વચ્ચે ગઠબંધન થયું છે માટે 24 બેઠક પર કોંગ્રેસ લડશે અને 2 સીટો પર આપના ઉમેદવારો મેદાને ઉતર્યા છે. એવામાં ગુજરાતના રાજકારણમાં અસદુદ્દીન ઓવૈસીની પાર્ટી AIMIM એ પણ એન્ટ્રી કરી છે.

ગુજરાતની 26 બેઠકમાંથી ઓવૈસીની પાર્ટી AIMIM એ બે સીટો પર ચૂંટણી લડવાની જાહેરાત કરી છે. ઓવૈસીની પાર્ટી ભરૂચ અને ગાંધીનગર લોકસભા સીટ પર મેદાનમાં ઉતરશે. ગુજરાતમાં ભાજપ, કોંગ્રેસ અને આમ આદમી પાર્ટી બાદ ચૂંટણી જંગમાં  વધુ એક પાર્ટી જંગમાં ઉતરી છે.