આજે સોના અને ચાંદીના ભાવમાં ભારે વધારો જોવા મળ્યો છે. આજે બુલિયન માર્કેટમાં 22 કેરેટ 10 ગ્રામ સોનાની કિંમત 70,550 રૂપિયા અને 24 કેરેટ 10 ગ્રામ સોનાની કિંમત 74,080 રૂપિયા નોંધવામાં આવી છે.
સોનું ફરી 74 હજારને પાર, તો ચાંદીની કિંમતમાં પણ રેકોર્ડબ્રેક ઉછાળો, જાણો લેટેસ્ટ રેટ
જો તમે સોનું અને ચાંદી ખરીદવાનું વિચારી રહ્યા છો, તો જાણી લો કે મલ્ટી કોમોડિટી એક્સચેન્જ પર સોના અને ચાંદીના ભાવમાં વધારો જોવા મળ્યો છે. આવી સ્થિતિમાં, જો તમે સોના અને ચાંદીના આભૂષણો બનાવવાનું વિચારી રહ્યા છો, તો ચોક્કસપણે ભાવ જરૂર ચેક કરી લેજો. આજે બુલિયન માર્કેટમાં 22 કેરેટ 10 ગ્રામ સોનાની કિંમત 70,550 રૂપિયા અને 24 કેરેટ 10 ગ્રામ સોનાની કિંમત 74,080 રૂપિયા નોંધવામાં આવી છે. જયારે ચાંદી 99,990 રૂપિયા પ્રતિ કિલોના ભાવે વેચવામાં આવશે.
બુલિયન વેપારી અને ઈન્ડિયન બુલિયન જ્વેલર્સ એસોસિએશન પાસેથી મળેલી જાણકારી અનુસાર, સોના અને ચાંદીના ભાવમાં ઉછાળો જોવા મળ્યો છે. આજે ચાંદીના ભાવમાં 3,490 રૂપિયાનો ઉછાળો જોવા મળ્યો છે, આજે ચાંદી 99,990 રૂપિયા પ્રતિ કિલોના ભાવે વેચાશે, જ્યારે ગઈકાલે (સોમવાર) સાંજ સુધી ચાંદી 96,500 રૂપિયાના ભાવે વેચાતી હતી.
22 કેરેટ અને 24 કેરેટ સોનાના ભાવમાં વધારો જોવા મળ્યો છે. ગત સાંજે 22 કેરેટ સોનું પ્રતિ 10 ગ્રામ 70,000 રૂપિયામાં વેચાયું હતું. આજે પણ તેની કિંમત 70,550 રૂપિયા નક્કી કરવામાં આવી છે. એટલે કે કિંમતમાં 550 રૂપિયાનો વધારો જોવા મળ્યો છે. જયારે સોમવારે લોકોએ 24 કેરેટ સોનું 73,500 રૂપિયા પ્રતિ 10 ગ્રામના ભાવે ખરીદ્યું. આજે પણ તેની કિંમત 74,080 રૂપિયા નક્કી કરવામાં આવી છે. એટલે કે કિંમતમાં 580 રૂપિયાનો વધારો જોવા મળ્યો છે.
જો તમે સોનાના દાગીના ખરીદતા હોવ તો તેની ગુણવત્તાને ક્યારેય અવગણશો નહીં. હોલમાર્ક જોયા પછી જ જ્વેલરી ખરીદો, આ સોનાની સરકારી ગેરંટી છે. જણાવી દઈએ કે ભારતની એકમાત્ર એજન્સી બ્યુરો ઓફ ઈન્ડિયન સ્ટાન્ડર્ડ (BIS) હોલમાર્ક નક્કી કરે છે. બધા કેરેટના હોલ માર્ક નંબર અલગ-અલગ હોય છે, જે જોયા અને સમજ્યા પછી તમારે સોનું ખરીદવું જોઈએ.
