ક્રિસ્ટિયાનો રોનાલ્ડો ખૂબ જ અમીર છે અને તે પોતાના બાળકોની દરેક ઈચ્છા પૂરી કરી શકે છે, તેમ છતાં તેને પોતાના 11 વર્ષના પુત્રને ફોન આપવાની ના પાડી છે.

ક્રિસ્ટિયાનો રોનાલ્ડો ખૂબ જ અમીર છે અને તે પોતાના બાળકોની દરેક ઈચ્છા પૂરી કરી શકે છે, તેમ છતાં તેને પોતાના 11 વર્ષના પુત્રને ફોન આપવાની ના પાડી હતી. ક્રિસ્ટિયાનો રોનાલ્ડો માત્ર તેના રમત ક્ષેત્રે જ તેજસ્વી નથી પરંતુ એક સારા પિતા પણ છે.

ક્રિસ્ટિયાનોએ એક વીડિયોમાં કહ્યું હતું કે, તેને તેના પુત્રને ફોન આપ્યો ન હતો. તેમના પુત્રને આ ફોન ગિફ્ટ તરીકે જોઈતો હતો પરંતુ તેને તે આપવાની ના પાડી હતી.

રોનાલ્ડોએ તેનું કારણ પણ જણાવ્યું હતું. રોનાલ્ડોએ કહ્યું કે, તેનો દીકરો ટેક્નોલોજી પ્રત્યે પાગલ છે. આ પેઢીના અન્ય બાળકોની જેમ તે પણ ટેક્નોલોજી પાછળ દોડે છે. તેને કહ્યું કે તેનો પુત્ર હંમેશા તેને પૂછે છે કે શું તેને ફોન મળશે ? રોનાલ્ડોએ તેના પુત્રને કહ્યું કે હમણાં ફોન નહિ મળે .

ખેલાડીનું કહેવું છે કે, આજની પેઢી એક ડગલું આગળ છે પરંતુ તેને ટેક્નોલોજીથી ગ્રસિત ન થવા દેવા જોઈએ . તેમને વસ્તુઓ આપો પરંતુ થોડા સમય માટે તેમની સાથે હંમેશા કોઈપણ ટેક ગેજેટ્સ ન હોવા જોઈએ.

રોનાલ્ડો તેના પુત્રને એ પણ કહેવા માંગતો હતો કે, “જીવનમાં કંઈ પણ સરળતાથી નથી મળતું. શ્રેષ્ઠ વસ્તુ જે હું તને આપી શકું તે છે શિક્ષણ.”