ભારતના સૌપ્રથમ વડાપ્રધાન જેઓએ બે દેશોની વચ્ચે ટ્રેન દ્વારા પ્રવાસ કર્યો , હાઈ-ટેક સુરક્ષા અને હથિયારોથી સજ્જ ટ્રેનમાં PM મોદીએ પોલેન્ડથી કીવની 600 કિ.મી.ની મુસાફરી કરી ,

વડાપ્રધાન નરેન્દ્ર મોદી પોલેન્ડથી ટ્રેનમાં 10 કલાકની મુસાફરી કરીને યુક્રેન પહોંચશે. આ ટ્રેનનું નામ રેલ ફોર્સ વન છે. આ એક ખાસ ટ્રેન છે, જે લક્ઝરી સુવિધાઓ અને વિશ્વ કક્ષાની સેવાઓ માટે જાણીતી છે. આવો જાણીએ આ ટ્રેનની ખાસિયતો વિશે, જે તેને સ્પેશિયલ ટ્રેન બનાવે છે. રેલ ફોર્સ વન ફક્ત રાત્રે જ ચાલે છે. આ એક ધીમી ગતિએ ચાલતી લક્ઝરી ટ્રેન છે, જે માત્ર રાત્રે જ ચાલે છે. તે પોલેન્ડથી 600 કિલોમીટરનું અંતર કાપીને યુક્રેનની રાજધાની કિવ પહોંચે છે.

યુક્રેનમાં વિવિધ ટ્રેનો દોડે છે પરંતુ રેલ ફોર્સ વન સૌથી ખાસ છે. તે ક્રિમીઆમાં પ્રવાસન માટે બનાવવામાં આવી હતી. રશિયાએ 2014માં ક્રિમીઆને કબજે કરી લીધું હતું. ત્યારથી તેનો ઉપયોગ વિશ્વના નેતાઓ અને VIP મહેમાનોને પરિવહન કરવા માટે કરવામાં આવે છે. અમેરિકી રાષ્ટ્રપતિ જો બિડેન, ફ્રાન્સના રાષ્ટ્રપતિ ઈમેન્યુઅલ મેક્રોન, ઈટાલીના વડાપ્રધાન જ્યોર્જિયા મેલોની સહિત ઘણા નેતાઓ રેલ ફોર્સ વનમાં પ્રવાસ કરી ચુક્યા છે.

યુક્રેનના રાષ્ટ્રપતિ વ્લાદિમીર ઝેલેન્સકી પણ વિદેશ જવા માટે આ ટ્રેનનો ઉપયોગ કરે છે. VIP મુસાફરોની સલામતી સુનિશ્ચિત કરવા માટે સુરક્ષા માટે કડક વ્યવસ્થા કરવામાં આવી છે, ટ્રેનને અત્યાધુનિક સુરક્ષા પગલાંથી સજ્જ કરવામાં આવ્યા છે. તેમાં ખૂબ જ સુરક્ષિત કોમ્યુનિકેશન સિસ્ટમ છે. હાઇટેક સુરક્ષા કર્મચારીઓની ટીમ સતત તકેદારી રાખે છે. ટ્રેનને એવી રીતે ડિઝાઇન કરવામાં આવી છે કે તે અત્યંત પડકારજનક પરિસ્થિતિઓનો સામનો કરી શકે.

આ જ કારણ છે કે અત્યાર સુધી આ ટ્રેનમાં સુરક્ષાને લઈને ક્યારેય કોઈ ફરિયાદ થઈ નથી. તેના રૂમો આલીશાન હોટલ જેવા છે. રેલ ફોર્સ વનના કમ્પાર્ટમેન્ટ લાકડાના બનેલા છે. મહત્વની બેઠકો માટે વિશાળ કોન્ફરન્સ ટેબલની પણ જોગવાઈ છે. આ સિવાય લક્ઝુરિયસ સોફા અને ટીવી પણ છે. યુદ્ધ દરમિયાન ટ્રેનની મુસાફરીને સરળ બનાવવા માટે, રેલ ફોર્સ વનમાં ઇલેક્ટ્રિક એન્જિનને બદલે ડીઝલ એન્જિન લગાવવામાં આવ્યા હતા. વાસ્તવમાં, રશિયા રેલ્વે લાઇન તેમજ યુક્રેનની ઇલેક્ટ્રિક ગ્રીડ પર હુમલો કરે છે.

આવી સ્થિતિમાં, જો ટ્રેનમાં ઇલેક્ટ્રિક ગ્રીડ લગાવવામાં આવે છે, તો તે બંધ થઈ જશે, જ્યારે ડીઝલ એન્જિન પર તેની અસર નહીં થાય. રેલ વન ફોર્સની સફળતાનો શ્રેય યુક્રેન રેલ્વેના ભૂતપૂર્વ સીઈઓ અને હવે મંત્રી એલેક્ઝાન્ડર કિમિશિનને જાય છે. તેમણે જ અમેરિકી રાષ્ટ્રપતિ જો બિડેનની મુલાકાત બાદ આ ટ્રેનને રેલ ફોર્સ વન નામ આપ્યું હતું.