કેન્દ્રીય કેબિનેટની બેઠકમાં ખેડૂતોને લગતી 7 યોજનાઓને મંજૂરી આપવામાં આવી છે. કેન્દ્રીય મંત્રી અશ્વની વૈષ્ણવે આ જાણકારી આપી.
અશ્વની વૈષ્ણવે જણાવ્યું હતું કે કેન્દ્રીય કેબિનેટે રૂ. 3,979 કરોડની યોજનાને મંજૂરી આપી છે.
હવે 20 મિનિટમાં મળશે ખેડૂતોને લોન, જગતના તાત માટે મોદી સરકારે લીધા 7 મોટા નિર્ણય ,
કેન્દ્રીય કેબિનેટની બેઠકમાં ખેડૂતોને લગતી 7 યોજનાઓને મંજૂરી આપવામાં આવી છે. કેન્દ્રીય મંત્રી અશ્વની વૈષ્ણવે આ જાણકારી આપી. તેમણે કહ્યું કે કેબિનેટે સોમવારે ખેડૂતોના જીવનને સુધારવા અને તેમની આવક વધારવા માટે 7 મોટા નિર્ણયો લીધા છે. વડાપ્રધાન નરેન્દ્ર મોદીની અધ્યક્ષતામાં મળેલી કેન્દ્રીય કેબિનેટની બેઠકમાં કૃષિ ક્ષેત્ર સાથે સંબંધિત આ 7 કાર્યક્રમો માટે લગભગ 14,000 કરોડ રૂપિયાની મંજૂરી આપવામાં આવી છે. અશ્વની વૈષ્ણવે કહ્યું, પહેલું ડિજિટલ એગ્રીકલ્ચર મિશન છે, તે કૃષિ માટે ડિજિટલ પબ્લિક ઈન્ફ્રાસ્ટ્રક્ચર તૈયાર કરવાનું છે. 2817 કરોડના રોકાણ સાથે ડિજિટલ એગ્રીકલ્ચર મિશન તૈયાર કરવામાં આવશે.
1- તેમણે કહ્યું કે, કેન્દ્રીય કેબિનેટે ખાદ્ય, પોષણના પાક વિજ્ઞાનને સમર્પિત રૂ. 3,979 કરોડની યોજનાને મંજૂરી આપી છે.
3- તેમણે કહ્યું, કેબિનેટે કૃષિ શિક્ષણ અને વ્યવસ્થાપનને મજબૂત કરવા માટે રૂ. 2,292 કરોડની જોગવાઈ સાથેના કાર્યક્રમને મંજૂરી આપી છે.
4- સરકારે ટકાઉ પશુધન સ્વાસ્થ્ય માટે રૂ. 1,702 કરોડની યોજનાને મંજૂરી આપી.
5- કેન્દ્રીય કેબિનેટે બાગાયતના વિકાસ માટે 860 કરોડ રૂપિયાની મંજૂરી આપી છે.
6- કૃષિ વિજ્ઞાન કેન્દ્રો માટે રૂ. 1,202 કરોડની ફાળવણી મંજૂર.
7- કુદરતી સંસાધન વ્યવસ્થાપનને મજબૂત કરવા માટે રૂ. 1,115 કરોડની યોજનાને પણ મંજૂરી આપવામાં આવી છે.
કન્દ્રીય કેબિનેટે ગુજરાતના સાણંદમાં સેમિકન્ડક્ટર યુનિટ સ્થાપવા માટે કીન્સ સેમિકોન પ્રાઇવેટ લિમિટેડના પ્રસ્તાવને મંજૂરી આપી. સૂચિત એકમ રૂ. 3,300 કરોડના રોકાણ સાથે સ્થાપવામાં આવશે. આ યુનિટની ક્ષમતા પ્રતિદિન 60 લાખ ચિપ્સ હશે.
આ એકમમાં ઉત્પાદિત ચિપ્સ ઔદ્યોગિક, ઓટોમોટિવ, ઇલેક્ટ્રિક વાહનો, કન્ઝ્યુમર ઈલેક્ટ્રોનિક્સ, ટેલિકોમ્યુનિકેશન્સ, મોબાઈલ ફોન વગેરે જેવા ક્ષેત્રો સહિત વિવિધ પ્રકારની એપ્લિકેશનોને પૂરી કરશે.
કેબિનેટે 309 કિમી લાંબી નવી લાઈન પ્રોજેક્ટને મંજૂરી આપી: મુંબઈ અને ઈન્દોર – બે મુખ્ય વ્યાપારી હબ વચ્ચે ટૂંકી રેલ કનેક્ટિવિટી પૂરી પાડવા માટે
– મંજૂર કરાયેલ પ્રોજેક્ટ, કોમર્શિયલ હબ મુંબઈ અને ઈન્દોરને ટૂંકા રેલ માર્ગ દ્વારા જોડવા ઉપરાંત, મહારાષ્ટ્રના 2 જિલ્લાઓ અને મધ્ય પ્રદેશના 4 જિલ્લાઓમાંથી પસાર થતા મહારાષ્ટ્ર અને મધ્ય પ્રદેશના બિનજોડાણવાળા વિસ્તારોને પણ જોડશે. પ્રોજેક્ટનો કુલ ખર્ચ રૂ. 18,036 કરોડ છે અને તે 2028-29 સુધીમાં પૂર્ણ થશે. આ પ્રોજેક્ટ બાંધકામ દરમિયાન અંદાજે 102 લાખ માનવ દિવસ માટે સીધી રોજગારી પણ પેદા કરશે.
