ગુજરાત

આજથી ગુજરાતના બનાસકાંઠામાં અંબાજી ખાતે ભાદરવી પૂનમનો પ્રારંભ થઈ રહ્યો છે , આ વર્ષે 12 સપ્ટેમ્બરથી 18 સપ્ટેમ્બર દરમિયાન ઓજનારા મેળામાં લાખો યાત્રાળુઓ પહોંચશે.

અંબાજી ભાદરવી પૂનમના મેળાને લઈ વહીવટી તંત્ર દ્વારા તમામ તૈયારીઓ પૂર્ણ કરી દેવામાં આવી છે.

ગુજરાતના બનાસકાંઠામાં નવા અંબાજી ખાતે દર વર્ષે ભાદરવી પૂનમે યોજાતા પરંપરાગત મેળામાં લાખો શ્રદ્ધાળુઓ ઉમટે છે. ત્યારે આજથી અંબાજીમાં ભાદરવી પૂનમનો પ્રારંભ થઈ રહ્યો છે. આ વર્ષે 12 સપ્ટેમ્બરથી 18 સપ્ટેમ્બર દરમિયાન યોજાનાર આ ભવ્ય મેળામાં અંદાજે 30 લાખથી વધારે યાત્રાળુઓ પહોંચે તેવી શક્યતા છે. જેમાં મોટાભાગે પગપાળા યાત્રાળુઓ હશે.

દર વર્ષે લાખોની સંખ્યામાં માઇભક્તો મા અંબાના દર્શને પહોંચે છે, ત્યારે આ વર્ષે પણ લાખોની સંખ્યામાં શ્રદ્ધાળુઓ પહોંચવાની સંભાવનાને લઈને ભક્તોની મોટી સંખ્યાને ધ્યાને લઈને મંદિરમાં વિશેષ વ્યવસ્થા કરવામાં આવી છે. આજથી 18 સપ્ટેમ્બર સુધી અંબાજીમાં મેળાની રંગત જામશે. ત્યારે અંબાજી મંદિરમાં ભક્તોના દર્શા માટેનો સમય નક્કી કરવામાં આવ્યો છે. ભક્તો સવારે 6 વાગ્યાથી રાતે 12 વાગ્યા સુધી દર્શન કરી શકશે.

મેળામાં આવતા ભક્તોની સુરક્ષાને ધ્યાનમાં લઈને અંબાજી પોલીસે ચુસ્ત બંદોબસ્ત કર્યો છે તથા CCTV દ્વારા પણ નજર રાખવામાં આવશે. મહામેળામાં પોલીસનો ચૂસ્ત બંદોબસ્ત રહેશે, જેમાં 56 PI, 20 DYSP, 75 PI બંદોબસ્તમાં તૈનાત રહેશે, તો 2500 GRD જવાન, 2500થી વધુ પોલીસ જવાનો તૈનાત રહેશે. જેમાં 25 જેટલી SHE ટીમનો પણ સમાવેશ થાય છે. મેળામાં 350થી વધુ CCTV કેમેરા દ્વારા નજર રાખવામાં આવશે.

સાથે જ મોટી સંખ્યામાં આવતા શ્રદ્ધાળુઓને ધ્યાનમાં પ્રાથમિક આરોગ્ય કેન્દ્ર અને એમ્બ્યુલન્સની પણ સુવિધા રાખવામાં આવી છે. પ્રત્યેક રોડ પર 108 એમ્બ્યુલન્સની વ્યવસ્થા કરવામાં આવી છે. સાથે જ યાત્રાળુઓની સુવિધાને ધ્યાનમાં રાખીને વહીવટી તંત્ર દ્વારા એક માર્ગદર્શિક જાહેર કરવામાં આવી છે. જેમાં ક્યુઆર કોડને સ્કેન કરવાથી યાત્રાળુઓને મોબાઈલ પર જ પાર્કિંગ, વિસામા તેમજ દર્શન સહિતની સગવડો મેળવી શકશે.

યાત્રાળુઓને કોઈ તકલીફ ન પડે તે માટે શ્રી આરાસુરી અંબાજી માતા દેવસ્થાન ટ્રસ્ટ્ર દ્વારા QR કોડ જનરેટ કરવામાં આવ્યો છે. જેનાં મારફતે યાત્રાળુઓ ગુગલ મેપ મારફતે પાર્કિગ, વિસામો, દર્શન સહિતની તમામ સગવડો વિશે મોબાઈલમાંથી જાણકારી મેળવી શકશે. ચોરીના બનાવો અટકાવવા માટે એક સમાન લાઇટિંગ (40-50 LUX), વધારાના CCTV કૅમેરા, યોગ્ય PA સિસ્ટમ અને પોલીસ માટે બેઠક વ્યવસ્થા માટે પગોડા સાથે વ્યાપક બે લાખ ચોરસ મીટર વિસ્તારને આવરી લઈ પાર્કિંગ વિસ્તારને વધારવામાં આવેલ છે.

News Click 24

Poll not found

Related Articles

Back to top button