ચીનની લેબમાંથી જ નીકળ્યો હતો કોરોના વાયરસ, જર્મનીની જાસૂસી એજન્સીએ કર્યો દાવો ,

વિશ્વભરમાં લાખો લોકોના મોતનું કારણ બનેલા કોવિડ-18 મહામારી માટે જવાબદાર વાયરસના મૂળ અંગે જર્મન ગુપ્તચર એજન્સી BNDનું માનવું છે કે કોરોના વાયરસ કદાચ ચીનના વુહાન ઇન્સ્ટિટ્યૂટ ઓફ વાયરોલોજી લેબમાંથી બહાર નીકળ્યો હતો. બુધવારે બે જર્મન અખબારોએ આ વાતનો ખુલાસો કર્યો હતો.

ડાઇ ઝીટ અને સુએડડ્યુશર ઝિતુંગ નામના અખબારોએ BND ને ટાંકીને એક અહેવાલ પ્રકાશિત કર્યો છે. સંયુક્ત અહેવાલ મુજબ, ચીની પ્રયોગશાળાએ ગેઇન-ઓફ-ફંક્શન પ્રયોગો હાથ ધર્યા હતા. આ અંતર્ગત સંશોધન માટે વાયરસને મનુષ્યોમાં વધુ ચેપી બનાવવા માટે તેને સંશોધિત કરવામાં આવે છે. બંને અખબારોએ જણાવ્યું હતું કે લેબમાં ઘણી વખત સલામતીના નિયમોનું ઉલ્લંઘન કરવામાં આવ્યું છે. જર્મન ગુપ્તચર એજન્સીના આ ગુપ્તચર અહેવાલને ‘SARM’ નામ આપવામાં આવ્યું હતું, જે જર્મન ચાન્સેલર એન્જેલા મર્કેલના કાર્યાલય દ્વારા શરૂ કરવામાં આવ્યું હતું. જોકે આ રિપોર્ટ હજુ સુધી પ્રકાશિત થયો નથી.

દરમિયાન BND એ અખબારમાં પ્રકાશિત થયેલા અહેવાલ પર ટિપ્પણી કરવાનો ઇનકાર કર્યો હતો. બુધવારે એક પ્રેસ કોન્ફરન્સમાં જ્યારે રિપોર્ટ વિશે પૂછવામાં આવ્યું ત્યારે વિદાય લઈ રહેલા ચાન્સેલર ઓલાફ સ્કોલ્ઝે પણ ટિપ્પણી કરવાનો ઇનકાર કર્યો હતો. અખબારે એ પણ અહેવાલ આપ્યો છે કે આ BND રિપોર્ટ 2024માં યુએસ સેન્ટ્રલ ઇન્ટેલિજન્સ એજન્સી (CIA) સાથે શેર કરવામાં આવ્યો હતો. આ વર્ષે જાન્યુઆરીમાં CIA ના પ્રવક્તાએ કહ્યું હતું કે એવી પ્રબળ શક્યતા છે કે કોવિડ-19 રોગચાળાનો વાયરસ કુદરતી નથી પરંતુ પ્રયોગશાળામાં ઉત્પન્ન થયો છે.

ચીનના વિદેશ મંત્રાલયે ગયા મહિને કહ્યું હતું કે વુહાન ઇન્સ્ટિટ્યૂટ ઓફ વાયરોલોજીએ ક્યારેય કોરોનાવાયરસ પર કોઈ લાભદાયક સંશોધન કર્યું નથી. અને તે COVID-19 વાયરસના નિર્માણ કે લીકમાં સામેલ નથી. ચીનની સરકારે અમેરિકા પર આ મુદ્દાનું રાજકારણ કરવાનો આરોપ લગાવ્યો હતો. એ દાવામાં કોઇ વિશ્વસનીયતા નથી કે પ્રયોગશાળામાં લીકથી મહામારી ફેલાઇ શકે તેવી સંભાવના છે.