વડાપ્રધાને વર્ચ્યુઅલી મેરઠ-લખનૌ સહિત મદુરાઇ-બેંગ્લુરુ, ચેન્નાઇ-નાગરકોઇલની વંદે ભારત ટ્રેનને લીલીઝંડી આપી

વડાપ્રધાન મોદીએ વર્ચ્યુઅલી મેરઠ-લખનૌ વંદે ભારત ટ્રેનને લીલીઝંડી બતાવી રવાના કરી હતી. વડાપ્રધાન મોદીએ વીડિયો કોન્ફરન્સીંગથી મેરઠ-લખનો ઉપરાંત મદુરાઇ-બેંગ્લુરુ અને ચેન્નાઇ-નાગરકોઇલ વંદે ભારત ટ્રેનને પણ લીલીઝંડી આપી પ્રસ્થાન કરાવ્યું હતું. આ તકે વડાપ્રધાન મોદીએ પોતાના સંબોધનમાં જણાવ્યું હતું કે આજે ઉત્તરથી દક્ષિણ સુધી દેશની વિકાસ યાત્રામાં એક નવો અધ્યાય જોડાઇ રહ્યો છે.  વંદે ભારત ટ્રેનોનો આ વિસ્તાર, રફતારથી આપણો દેશ વિકસિત ભારત તરફ પગલાં માંડી રહ્યો છે. આ ટ્રેનથી છાત્રો, ખેડૂતો, આઇટીના લોકોને લાભ મળશે.દેશના મહત્વના શહેર અને ઐતિહાસિક જગ્યાઓને કનેક્ટિવીટી મળે છે. જ્યાં જ્યાં વંદે ભારતની સુવિધા પહોંચી છે ત્યાં પર્યટકોની સંખ્યા પણ વધી રહી છે.